Jeremías 17:16 - Q'eqchi Bible

¹⁶ Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Li Santil hu

¹⁶ At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Jeremías 17:16 ပူးပေါင်းရင်းမြစ်များ

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

Hechos 20:20

Laa'ex nekenaw naq ink'a' xwisi wib' naq xwank k'aru us cho'q eere: ink'a' xinkanab' eetzolb'al ut xjultikankil cheru li Aatin chiruheb' li tenamit jo' ajwi' chire kab'lal;

Santiago 3:1

Ex was wiitz'in, meesik' chejunilex li wank cho'q aj tzolonel, xb'aan naq nekenaw naq q'axal kaw chik taaraqmanq aatin sa' qab'een laa'o aj tzolonel.

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 18:20

Ma maa'usilal na'eeqajuuk wi' li usilal? Xb'aan naq yookeb' chi xpikb'al li jul re inmuqb'al. Jultikaq aawe naq xintijok chawu re xtz'aamankil laawuxtaan chirixeb' ut xkolb'aleb' chiru li tojb'amaak.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

Amós 5:10

Ra chaalel sa' eeb'een laa'ex xik' nekeril ani nakolok rix li tiikilal ut neketz'eqtaana li nayehok re li yaal.

Jeremías 15:15

At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

Jeremías 20:7

At Qaawa', xinaab'oq ut xinaaq'unb'esi, ut laa'in xinsume linb'oqb'al; laa'at jwal kaw aawib' chiwu, jo'kan naq xaq'ax wu. Chixjunileb' nikine'xse'e rajlal ut nikine'reetz'u wulaj wulaj.