Jeremías 17:12 - Q'eqchi Bible

¹² Li tzuul k'ojk'o wi' li rochoch li Qaawa' li qaYos, a'an xk'ojarib'aal li loq'al chalen chaq sa' xtiklajik.

Li Santil hu

¹² Li katemplo kꞌaxal lokꞌ. Chalen saꞌ xticlajic qꞌuebil xlokꞌal. Chanchan jun li cꞌojariba̱l najt xteram.

Jeremías 17:12 ပူးပေါင်းရင်းမြစ်များ

Salmos 96:6

Loq'al ut wankilal wankeb' chi xsutam, kawilal ut nimaak u neke'hilank sa' li xloq'laj ochoch.

Ezequiel 43:7

kixye we: “At kaamel winq, arin wank link'ojarib'aal, b'arwi' tinxaqab' eb' li woq; arin wanqin sa' xyanqeb' laj Israel chi junwaakaj. Eb' a'an ut eb' li x'awab'ej ink'a' chik te'xsach xloq'al linsantil k'ab'a' rik'in li xmaa'usilaleb': ink'a' chik te'xyiib'atq xjalam uheb' li awab'ej li xe'kamk,

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Ezequiel 1:26

Sa' xb'een li kupku a'an kiwil naq wank jun k'ojarib'aal yiib'anb'il rik'in li pek safiro xk'ab'a', ut sa' a'an k'ojk'o jun kama' li winq.

Jeremías 14:21

Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

Isaías 6:1

Sa' li chihab' naq kikamk laj Osías, li awab'ej, kiwil li Qaawa' k'ojk'o sa' jun k'ojarib'aal jwal ch'ina'us ut najt xteram. Nujenaq li rochoch li Yos rik'in xb'as li xb'aatal.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Salmos 103:19

Li Qaawa' kixk'ojob' li xk'ojarib'aal sa' choxa, ut na'awab'ejink sa' xb'een chixjunil li choxach'och'.