Jeremías 17:1 - Q'eqchi Bible

¹ “Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Li Santil hu

¹ Li Ka̱cuaꞌ quixye: —La̱ex aj Judá, tzꞌi̱banbil retalil le̱ ma̱c. Chanchan nak juchꞌbil riqꞌuin chꞌi̱chꞌ. Chanchan nak tzꞌi̱banbil retalil chiru le̱ ra̱m riqꞌuin jun li terto̱quil pec diamante. Ut chanchan nak tzꞌi̱banbil ajcuiꞌ retalil chiru li xucub li cuan saꞌ xxuc li artal.

Jeremías 17:1 ပူးပေါင်းရင်းမြစ်များ

Proverbios 3:3

B'aanu li yaal ut li rahok chi junelik; chak'uulaheb' jo' junaq chaab'il q'ol chakux, ut chatz'iib'aheb' sa' laach'ool.

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

Proverbios 7:3

Chatz'ejwali aawib' rik'in, ut maatz'eq chirix laawaanm.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Isaías 49:16

K'e reetal naq sa' li wuq' tz'iib'anb'ilat, junelik yookin chi rilb'aleb' laasuttz'akil.

Jeremías 2:22

Us ta taach'ajob'resi aawib' chi chaab'il, us ta taaxab'oni aawib' chi us, ab'an toj wanq reetalil laamaa'usilal chiwu -chan li Nimajwal Yos-.

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Zacarías 7:12

ke'xkawub'resi li xch'ooleb' jo' li raxpek, re naq ink'a' ke'xpaab' li xchaq'rab' ut eb' li raatin li Nimajwal Yos naq kixtaqla chaq li xmusiq', chi xtz'uumal reheb' li najter propeet. Jo'kan naq k'ajo' naq kijosq'o'k li Nimajwal Yos, ut kixye:

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Oseas 8:11

“Laj Efraín xtamresiheb' li x'artal ka'ajwi' re xb'aanunkil li maak.