Jeremías 16:9 - Q'eqchi Bible

⁹ Xb'aan naq jo'ka'in ninye laa'in, li Nimajwal Yos, li xYos laj Israel: tinsach chixjunil li sahil ch'oolejil sa' li tenamit a'in chiru leeyu'am; maak'a'aq chik ninq'ehik ut b'ichank sa' li sumlaak. Laa'ex teeril rik'in leeru.

Li Santil hu

⁹ Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Jeremías 16:9 ပူးပေါင်းရင်းမြစ်များ

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Ezequiel 26:13

Chi jo'kan tinraq li xsahil laach'ool ut ink'a' chik taa'ab'imanq xyaab' laa'aarp.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Jeremías 25:10

Ink'a' chik taa'ab'imanq li ninq'ehik sa' xyanqeb', chi moko li sahil ch'oolejil ut li b'ichank re li sumlaak; ink'a' chik taa'ab'iiq xyaab' li ke'leb' ut maak'a'aq chik li xsaqenkil li xam.

Salmos 78:63

Li xam kichoyok reheb' li saaj al ut ink'a' chik kiwank sahil ch'oolejil chirixeb' li tuq'ixq.

Ezequiel 12:25

Xb'aan naq laa'in, li Qaawa', tin'aatinaq, ut li k'aru tinye taak'ulmanq chi junpaat. Ex q'etq'etil tenamit, laa'ex teeril a'in rik'in leeru: tinye jun t'orolaq li waatin ut relik chi yaal naq taatz'aqloq ru”, chan li Qaawa'.