Jeremías 16:7 - Q'eqchi Bible

⁷ Maajun taak'ehoq chi tzekank chi moko chi uk'ak li xk'uluk kamk, us ta na'b'ej yuwa'b'ej li xkamk.

Li Santil hu

⁷ Ma̱ ani tixtakla lix tzacae̱mk ut li rucꞌaheb re xcꞌojobanquil xchꞌo̱leb li yo̱keb chixyoꞌlenquil lix camenakeb, usta naꞌbej yucuaꞌbej li xeꞌcam.

Jeremías 16:7 ပူးပေါင်းရင်းမြစ်များ

Oseas 9:4

Ink'a' te'mayejaq b'iin chiru li Qaawa', chi moko li xmayejeb' taawulaq chiru: rahaq chik xch'ooleb' naq te'tzekanq jo' tawi' naq yooqeb' chi k'aak'alenk kamenaq, ut muxb'ileb' ru te'kanaaq eb' li te'tzekanq re. Li wa a'an ka'ajwi' re te'xtzeka eb' a'an, ut ink'a' naru taak'ame'q sa' rochoch li Yos.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

Deuteronomio 26:14

Ink'a' xintzeka a'an naq wankin sa' rahil ch'oolejil, maak'a' xinxok naq muxb'ilin, maak'a' xinyeechi'i re junaq kamenaq. Xwab'i xyaab' xkux li Qaawa' linYos ut xinb'aanu chixjunil jo' chanru lintaqlankil aab'aan.

Li xHu LAJ JOB 42:11

Toja' naq chixjunileb' li ras riitz'in, rochb'eeneb' li xkomon ut eb' li ramiiw li ke'wank junxil, ke'wulak chi rilb'al laj Job ut ke'ninq'ehik sa' li rochoch. Ke'ril xtoq'ob'aal ru ut ke'xk'ojob' xch'ool chirix li rahilal kik'ehe'k chi xk'ul xb'aan li Qaawa'. Chixjunqaleb' ke'xsi junjunq xtumin plaat ut junjunq xmatq'ab' oor.

Eclesiastés 4:1

Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Jeremías 22:10

Mexyaab'ak chirix li awab'ej Josías, miraho'k leech'ool chirix li ak xq'ajk xsutq'iik; yaab'anqex b'an chirix laj Salún li toj kamk re, xb'aan naq maajoq'e chik taasutq'iiq chaq chi moko taaril ta chik li na'ajej kiyo'laak wi'.

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.