Jeremías 16:4 - Q'eqchi Bible

⁴ te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Li Santil hu

⁴ Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 16:4 ပူးပေါင်းရင်းမြစ်များ

Jeremías 25:33

Chiru li kutan a'an, eb' li te'k'ehe'q chi kamk xb'aan li Qaawa' t'anaxinq te'kanaaq sa' chixjunil li ruuchich'och'; maajun taayaab'aq chirixeb', maajun taamuquq reheb' ut t'anaxinqeb' chiru ch'och' jo'kaqeb' li k'ot.

Salmos 83:10

Chab'aanu taxaq reheb' jo' xab'aanu reheb' laj Madián, jo' xab'aanu re laj Sísara ut laj Jabín chire li nima' Kisón.

Jeremías 9:22

Neke'jilixink eb' li kamenaq chanchaneb' li k'ot chiru ch'och'; neke't'anlok chiru ch'och' jo' li pim naq ak xyok'e'k, ut maajun chik naxokok reheb'”. A' li Qaawa' xyehok re.

Sofonías 1:17

Jo'ka'in xye li Qaawa': “Tinrahob'tesi xch'ooleb' li poyanam ut te'b'eeq sa' mutz'il, xb'aan naq xe'maakob'k chiwu. Taahoye'q li xkik'eleb' jo' li pojtz', ut li xtib'eleb' kama'aq aj chik li k'ot”.

Jeremías 34:20

ut tinq'axtesiheb' sa' ruq'eb' li xik' neke'ilok reheb' ut te'ajoq xkamsinkileb'. Chikanaaq li xtib'eleb' cho'q xtib' eb' li so'sol ut eb' li k'iche'il xul.

Jeremías 7:33

Ut li xtib'eleb' li te'kamq taatiwe'q xb'aaneb' li so'sol jo'wi' eb' li josq' aj xul, ut maajun taaxib'enq reheb'.

Isaías 18:6

Chixjunil taakanaaq cho'q reheb' li josq' aj xul sa'atqeb' li tzuultaq'a, cho'q xtib'eb' li so'sol ut eb' li josq' aj xul chiru li saq'ehil ut li hab'alq'e”.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Jeremías 36:30

At Johakín, awab'ej re Judá, laa'in li Qaawa' ninye aawe naq maajun aawalal taak'ojlaaq chi awab'ejink sa' li xk'ojarib'aal laj David; ut naq tatkamq, jiljo taakanaaq laatz'ejwal chiru xtiqwal li kutan ut chiru xkehal li q'oqyink.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Salmos 78:64

Chixjunileb' laj tij ke'kamsiik chi ch'iich' ut eb' li xmalka'aneb' ink'a' ke'yaab'ak chirixeb'.

2 Reyes 9:10

Ut lix Jesabel taatiwe'q xb'aaneb' li tz'i' sa' li k'aleb'aal re Jisrehel, chi maajun taamuquq re»”. Tikto kixte li okeb'aal ut ki'elelik.

Jeremías 44:12

Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.

Deuteronomio 28:26

Laatib'el a'anaqeb' xwa chixjunileb' li xik'anel xul neke'rupupik chiru choxa; xwahaqeb' ajwi' chixjunileb' li xul sa' ruuchich'och' chi maajun taaxib'enq reheb'.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Lamentaciones 4:9

Q'axal us xaq reheb' li xe'kamsiik chi q'esnal ch'iich' chiruheb' li xe'kamk xb'aan we'ej, xb'aan naq eb' a'in timil timil xe'kamk xb'aan xmajelal li xtzekemqeb'.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Deuteronomio 28:22

Li Qaawa' tatxrahob'tesi rik'in jiq', tiq, sipook, sankil xox, chaqi'eel ut rik'in jun nimla yajel sa' xb'een laatriiw: chixjunileb' li rahilal a'in tate'xtaaqi toj reetal tat-oso'q.

Jeremías 21:6

Tinkamsiheb' chixjunileb' li wankeb' sa' li tenamit a'in; eb' li poyanam ut eb' li xul te'kamq xb'aan jun li xiwajel raxkamk.