Jeremías 16:2 - Q'eqchi Bible

² “At Jeremías, matsumlaak sa' li tenamit a'in chi moko chiwanq aawalal aak'ajol.

Li Santil hu

² —Matsumla chi moco cheꞌcua̱nk a̱cualal a̱cꞌajol saꞌ li naꞌajej aꞌin.

Jeremías 16:2 ပူးပေါင်းရင်းမြစ်များ

San Lucas 23:29

Xb'aan naq, chek'e reetal, te'chalq kutan taayeemanq wi': «Us xaq reheb' li xma'al ixq ut eb' li ink'a' ke'alank, ut eb' li ink'a' ke'tu'resink!».

San Lucas 21:23

“Ra chaalel sa' xb'eeneb' li yaj aj ixq ut li yooqeb' chi tu'resink sa'eb' li kutan a'an, xb'aan naq taawanq xnimal rahilal sa' xb'een li ruuchich'och', yooq li josq'il sa' xb'een li tenamit a'in.

Génesis 19:14

Ki'elk ut laj Lot ut koxye chaq reheb' li te'k'amoq reheb' li xrab'in: “Waklinqex, elenqex sa' li na'ajej a'in xb'aan naq li Qaawa' ok re chi xsachb'al li tenamit”. A'ut eb' li hi'b'ej ke'xk'oxla naq yal b'atz'unk re.

San Mateo 24:19

Ra chaalel sa' xb'eeneb' li yaj aj ixq ut li yooqeb' chi tu'resink sa'eb' li kutan a'an!

Jeremías 16:1

Li Qaawa' kixye we chi jo'ka'in:

Jeremías 16:3

Xb'aan naq jo'ka'in ninye laa'in li Qaawa' chirixeb' li alal k'ajolb'ej li te'yo'laaq sa' li tenamit a'in ut chirixeb' ajwi' li na'b'ej yuwa'b'ej li te'wanq xkok'al:

Jeremías 29:6

sumlaaqex ut chiwanq eeralal eek'ajol. K'ehomaq rixaqileb' leeralal ut sik'omaq xb'eelomeb' leerab'in, re naq te'k'ihanq. Chepuka eerib' aran ut chexk'ihanq.

Lamentaciones 2:22

At Qaawa', yalaq b'ar xab'oqeb' chaq li rahilal, xe'chalje'k li ch'a'ajkilal chanchaneb' li b'oqb'ileb' chaq sa' junaq ninq'e. Sa' xkutankil li xjosq'il li Qaawa' maajun x'elelik chi moko xkole'k li xyu'am: eb' li xink'iiresiheb' ut li xinch'oolaniheb' xe'kamsije'k xb'aaneb' li xik' neke'ilok we.