Jeremías 16:19 - Q'eqchi Bible

¹⁹ At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Li Santil hu

¹⁹ Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.

Jeremías 16:19 ပူးပေါင်းရင်းမြစ်များ

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

Nahum 1:7

Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in

Jeremías 17:17

At Qaawa', minaaxib'esi laa'at, xb'aan naq nikinaakol sa' xhonalil li raaxiik'.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

Jeremías 10:5

Chanchaneb' li xxib'enkileb' li xul sa'eb' li awimq, xb'aan naq ink'a' neke'ruuk chi aatinak. Tento xpaqonkileb', xb'aan naq ink'a' neke'b'eek. Meexiwaheb', xb'aan naq maak'a' k'aru us neke'xb'aanu chi moko k'a' ta ru ink'a' us”.

Jeremías 2:11

Ma wank junaq tenamit xjal li xyos? Us ta eb' a'an moko yoseb' ta! Ut lintenamit xjal ru li xloq'al rik'in li k'aru maak'a' na'ok wi'.

Isaías 44:10

Ani nayiib'ank junaq yos malaj naxpak' junaq jalam u chi maak'a' ta royb'enihom?

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Habacuc 3:19

Li Qaawa' linYos a'an li xkawub' linch'ool. A'an naseeb'ob'resink eb' li woq jo'keb' roq li kej, ut nikinxk'am toj chi tzuul re naq tinkole'q. A'in xb'ich li xjolomileb' laj b'ichanel, re xb'ichankil rik'ineb' li wajb' li wankeb' li ru.

Ezequiel 11:16

Jo'kan naq ye reheb': «Jo'ka'in naxye li Qaawa': Us ta xe'wisi sa' li xna'ajeb' ut xeb'incha'cha'i sa' xyanqeb' li jalanil tenamit, ab'anan yal jun k'amok ajwi'. Anaqwan laa'inaq chik li santil ochoch cho'q reheb' a'an sa'eb' li tenamit b'arwi' xoxe'kanaaq».

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Salmos 62:2

Ka'ajwi' rik'in linYos nak'ojlaak linch'ool ut rik'in a'an nachalk linkolb'al.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Isaías 62:2

Toja' naq chixjunileb' li tenamit te'ril li xtiikilal laach'ool ut chixjunileb' li awab'ej te'xka'ya laaloq'al. Ak' k'ab'a'ej tate'xk'ab'a'in wi', a' li taak'ehe'q aawe xb'aan li Qaawa'.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Salmos 68:31

Chaq'us li josq' aj xul li wank sa' li na'ajej kaxlan'aj ru, chaq'us li jun tuub'eb' chi toor ut saaj wakax li neke'xrahob'tesi chixjunileb' li tenamit. Che'xk'ehaq taxaq rib' rub'el laawankil, ut che'xq'axtesi aawe chixjunil li xplaateb'. Cha'cha'iheb' li poyanam li neke'yoob'ank raaxiik'.

Salmos 62:7

Ka'ajwi' a'an linsaqoonak ut li xkolb'al wib'; wi ninmuhenk rik'in, ink'a' taach'inanq li waanm.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

Salmos 46:1

Re li xjolomileb' laj b'ichanel. Xb'icheb' li ralal xk'ajol laj Koré. Rik'in xolb'.

Salmos 27:5

Xb'aan naq a'an taak'uluq we sa' xmuheb'aal sa' li kutan naq wanqin sa' rahilal; tinxmuq chi us sa' li xloq'laj ochoch ut tinxk'e sa' xb'een jun saqoonak.

Salmos 19:14

Chakol ajwi' laj k'anjel chawu chiru li q'etq'etil; ink'a' taxaq chiwanq xwankil sa' inb'een. Toja' naq maak'a'aq inq'usb'al ut ink'a' tint'ane'q sa' li maa'usilal.

Romanos 1:25

eb' a'an ke'jalok re li tz'aqal Yos rik'in li tik'ti', ut a' chik li k'a'aq re ru yoob'tesinb'il ke'xnima ru ut ke'xloq'oni cho'q reeqaj laj Yoob'tesinel, li usilaatinanb'il chi junelik q'e kutan. Jo'kan taxaq.

1 Reyes 20:23

Ab'an eb' li neke'tenq'ank re laj Ben-Adad ke'xye re: “Li xYoseb' laj Israel, a'an xYoseb' li k'iche'; jo'kan naq xe'xq'ax qu. Ab'anan wi tooyaloq chiru taq'a, q'axal kawaq chik qib' laa'o chiruheb'.

Isaías 44:20

Relik chi yaal naq eb' li poyanam a'an neke'xkawu xch'ooleb' chirix li maak'a' na'ok wi', ut neke'xb'alaq'i rib'eb'. Maajoq'e te'ruhanq chi xkolb'al rib'eb' chi moko te'xye: “Tik'ti' tz'aqal li k'aru wank sa' linnim uq'”.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Jeremías 33:9

Jerusalén a'anaq li xnimal xsahil linch'ool, a'anaq linloq'al ut linwankil sa' xyanqeb' chixjunil li tenamit sa' ruuchich'och'. Naq eb' a'an te'rab'i resil chixjunil li us tink'am chaq sa' xb'eeneb' laj Jerusalén, ut chixjunil li usilal tinb'aanu reheb', te'xsiksiki rib' ut te'sachq xch'ool”.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Salmos 18:3

Laa'at laj muheelahom ut laj kupuhom we, laa'at laj ach'ab'anel we ut linYos. Laa'at li saqoonak li ninkol wi' wib', jo'kat li koleb' ch'iich' nakolok we; laa'at laj k'aak'alehom ut laj tenq'ahom we.

Salmos 65:3

xb'aan naq laa'at nakawab'i li qatij. Chak'atq laa'at neke'jilok chixjunileb' li xe'tawak sa' li maak.

Jeremías 10:3

Maak'a' na'ok wi' li xpaab'ahomeb' li tenamit a'an. Neke'xyok' jun tololaq li che' sa' k'iche' ut jun aj peech' natuqub'ank ru rik'in li xch'iich';

Jeremías 14:8

Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.