Jeremías 16:12 - Q'eqchi Bible

¹² Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Li Santil hu

¹² Ut la̱ex kꞌaxal cuiꞌchic yibru nequeba̱nu chiru li queꞌxba̱nu le̱ xeꞌto̱nil yucuaꞌ. Nequeba̱nu li ma̱usilal li nequeraj xba̱nunquil yal e̱junes ut incꞌaꞌ us le̱ naꞌleb. Incꞌaꞌ nequeba̱nu li cꞌaꞌru naxye li Ka̱cuaꞌ.

Jeremías 16:12 ပူးပေါင်းရင်းမြစ်များ

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

San Marcos 7:21

xb'aan naq chisa' li xch'ool na'elk chaq li ink'a' usil na'leb': li ko'b'eetak yumb'eetak, elq'ak, kamsink,

Jeremías 7:24

Ab'anan ink'a' kine'xpaab' chi moko ke'raj wab'inkil, ke'xjipi chik rib' ut ke'xb'aanu li k'aru ke'raj xb'aanunkil. Ruuchil li chalk wik'in, intz'eqtaanankil chik ke'xb'aanu.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Hebreos 3:12

Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Eclesiastés 8:12

Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

Deuteronomio 29:19

“Wi ani sa' eeyanq taarab'i li teneb'anb'il sa' qab'een sa' xk'ab'a' li jurament a'in ut ink'a' tixk'e xwankil, tixye b'an sa' xch'ool xjunes rib': «Laa'in us tin'elq sa' chixjunil, us ta tinb'aanu jo' naxye linjipilal», xmaak li winq a'an te'sache'q chixjunileb'.

Deuteronomio 9:27

Jultikaqeb' aawe eb' laj k'anjel chawu: laj Abrahán, laj Isahak ut laj Jakob, ut maak'e sa' aach'ool li xkawilal xjolomeb' li tenamit a'in, chi moko li xmaa'usilaleb' ut li xmaakeb'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Lamentaciones 5:7

Eb' li qaxe' qatoon ke'maakob'k, ut maak'a'eb' chik anaqwan; ut sa' qab'een chik laa'o xkanaak li xmaakeb'.

Ezequiel 20:30

“Ye reheb' laj Israel: «Jo'ka'in xye li Qaawa': Ma toj yooqex chi xmuxb'al eerib' jo' ke'xb'aanu chaq eb' leena' leeyuwa'? K'a'ut naq toj yookex chi xloq'oninkil ru eb' li jalanil yos?

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Malaquías 3:7

Chalen chaq chiru li xyu'amileb' leexe'toonil yuwa' nekeq'et chaq linchaq'rab' ut ink'a' nekepaab' li waatin. Sutq'inqex chaq wik'in ut laa'in tinsutq'iiq eerik'in, chan li Nimajwal Yos. A'ut laa'ex nekeye: «K'a'ut naq tooxik wi' chik aawik'in?», chankex.

Jeremías 22:28

Ma jo' tab'i' junaq jorol kuk li maak'a' na'ok wi' laj Jekonías, jo' junaq q'eel k'anjelob'aal li maajun na'ajok re? K'a'ut naq xe'aanilasiik a'an, rochb'eeneb' li ralal xk'ajol, sa' jun tenamit li ink'a' xnawomeb' ru?