Jeremías 15:8 - Q'eqchi Bible

⁸ K'ajo'eb' li xmalka'an sa' xyanqeb', q'axal naab'aleb' chik chiru li samahib' chire li palaw. Chiru li kutan xe'chalk eb' laj sachonel re xkamsinkileb' li xna'eb' li saaj al. T'anaamil sa' xb'eeneb' li xiwak ut li rahilal.

Li Santil hu

⁸ Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Jeremías 15:8 ပူးပေါင်းရင်းမြစ်များ

Isaías 3:25

Eb' laapoyanamil te'oso'q chi q'esnal ch'iich' ut eb' li kaweb' rib' te'kamq sa' li yalok.

San Lucas 21:35

kama' jun li kanleb'. Xb'aan naq taachalq sa' xb'eeneb' chixjunil li wanqeb' junsut junrub'el choxa.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Jeremías 4:16

“Yehomaq reheb' li xninqal ru tenamit ut re Jerusalén naq eb' laj xik'il uuchinel ak wankeb' arin; toj najt xe'chalk chaq, japjookeb' chaq re chi chalk sa' xb'eeneb' li tenamit re Judá.

Isaías 3:26

Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Isaías 4:1

Sa' li kutan a'an wuqub' chi ixq te'xchap jun chi winq ut te'xye re: “Laa'o tqach'oolani qib' qajunes ut tqatiqib' qib' jo' chanru tooruuq; ka'ajwi' naqaj naq tatsumlaaq qik'in ut taamoy li qaxutaan”, cha'qeb'.

Jeremías 16:3

Xb'aan naq jo'ka'in ninye laa'in li Qaawa' chirixeb' li alal k'ajolb'ej li te'yo'laaq sa' li tenamit a'in ut chirixeb' ajwi' li na'b'ej yuwa'b'ej li te'wanq xkok'al:

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 22:7

Tintaqlaheb' chaq jun ch'uuteb' aj sachonel aawik'in, wanqeb' chaq xmaal sa' ruq'eb' re aasachb'al. Te'xt'ani chixjunileb' li chaab'il yaw ut te'xrumi sa' xam re te'k'atq.

Lamentaciones 5:3

Maak'a' chik qayuwa', neb'a'yox xookanaak wi'; ut eb' li qana' xe'kanaak chi xmalka'anil.

Ezequiel 22:25

Eb' laj k'amol aab'e jo'keb' li kaqkoj li neke'xjap reheb' chi xt'upinkil li xtzak. Xe'xnuq' eb' li poyanam, xe'xmaq'atq li b'ihomal ut li sahil eechej, ut naab'aleb' li xmalka'an wankeb' chik aawik'in.

Oseas 4:5

Tatt'ane'q sa' li maak chi kutan, ut chiru q'oqyink taamaakob'q chik li propeet aawochb'een; ut laa'in tinsach ru laana'.

Jeremías 6:26

Ex intenamit, b'atomaq eerib' sa' q'es ruhil t'ikr ut tolk'osiiq eerib' sa' li cha. Japomaq eere chi yaab'ak, tz'uyinqex chi q'axal ra sa' leech'ool, jo' na'uxk tz'uyink chirix li alab'ej junaj chirib'il, xb'aan naq ak chi seeb' chaq li taasachoq qe.