Jeremías 15:5 - Q'eqchi Bible

⁵ “Ani tawi' taa'iloq xtoq'ob'aal aawu, a Jerusalén? Ani tawi' taaraho'q xch'ool chawix malaj ani taaxaqliiq chi xk'eeb'al xsahil laach'ool?

Li Santil hu

⁵ Li Ka̱cuaꞌ quixye ajcuiꞌ: —¿Ani ta biꞌ ta̱ilok xtokꞌoba̱l e̱ru la̱ex aj Jerusalén? ¿Ani ta biꞌ ta̱rahokꞌ xchꞌo̱l xban li raylal li yo̱quex chixcꞌulbal? ¿Ani ta biꞌ ta̱patzꞌok e̱re ma sa saꞌ e̱chꞌo̱l?

Jeremías 15:5 ပူးပေါင်းရင်းမြစ်များ

Isaías 51:19

Ani xraho'k xch'ool chawix naq xchalk li wiib' chi rahilal sa' aab'een: xatjuk'e'k ut xatrahob'tesiik, xattz'okaak ut xatkamk xb'aan li yalok? Ma wank tab'i' junaq xk'ojob'ank re laawaanm?

Nahum 3:7

Chi jo'kan chixjunileb' li te'iloq aawe te'eleliq chawu ut yooqeb' xyeeb'al: «Xjuk'e'k li tenamit Nínive. Ani taatoq'ob'anq ru? Ani taak'ojob'anq xch'ool?», cha'qeb'.

Jeremías 21:7

Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

Salmos 69:20

Ch'olch'o chawu chanru nikine'xse'e ut nikine'xhob'; makach'in nikine'reetz'u! Chawu laa'at wankeb' li neke'rahob'tesink we.

Jeremías 16:5

Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.

Jeremías 13:14

Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Li xHu LAJ JOB 19:21

Uxtaanaaq wu, ex wamiiw, xb'aan naq li Qaawa' xk'ehok we sa' rahilal.

1 Samuel 25:5

kixtaqla lajeeb' chi saaj winq rik'in ut kixye reheb': “Ayuqex Karmeel wan wi' laj Nabal, chek'e xsahil li xch'ool sa' ink'ab'a'

1 Samuel 17:22

Tikto laj David kixkanab' li riiq rik'in laj ilol re li k'a'aq re ru, koho sa' aanil b'ar ch'utch'uukeb' wi' laj puub' ut koxpatz' reheb' li ras chan rilb'aleb'.

1 Samuel 10:4

Te'xk'e xsahil aach'ool ut te'xsi wiib' aawa, ut laa'at taak'uleb'.

Jueces 18:15

Chirix chik a'an koheb' sa' rochoch li saaj al aj Leví, ke'ok aran ut ke'xk'e xsahil xch'ool.

Éxodo 18:7

Laj Moisés koxk'ul chaq laj hi'om re, kixhupub' rib' ut kixtz'ub' ru. Ke'xk'e xsahilaleb' xch'ool chirib'ileb' rib' ut ke'ok sa' li muheb'aal.

Lamentaciones 1:17

Sión naxye' eb' li ruq' chi tz'aamank, ab'an maajun nak'ojob'ank xch'ool. Xyehom li Qaawa' naq sutsuuq laj Jakob yalaq b'ar xb'aaneb' li xik' neke'ilok re, ut li tenamit Jerusalén xkanaak sa' xutaan chiruheb' a'an.