Jeremías 15:3 - Q'eqchi Bible

³ “Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Li Santil hu

³ Ca̱hib pa̱y ru li tojba ma̱c tinqꞌue saꞌ xbe̱neb. La̱in tincanabeb chi camsi̱c saꞌ li ple̱t. Eb li tzꞌiꞌ teꞌxtꞌupi eb li camenak ut eb li soꞌsol, joꞌ eb ajcuiꞌ li joskꞌ aj xul li cuanqueb saꞌ qꞌuicheꞌ teꞌxtiu lix tibeleb.

Jeremías 15:3 ပူးပေါင်းရင်းမြစ်များ

Deuteronomio 28:26

Laatib'el a'anaqeb' xwa chixjunileb' li xik'anel xul neke'rupupik chiru choxa; xwahaqeb' ajwi' chixjunileb' li xul sa' ruuchich'och' chi maajun taaxib'enq reheb'.

Levítico 26:22

Tintaqla chaq eb' li josq' aj xul sa' eeb'een li te'xtiweb' leeralal eek'ajol, te'xt'upi leewakax. Moko k'ihex ta chik texwanq ut nakirirnak taakanaaq li b'e.

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Apocalipsis 6:8

Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Jeremías 7:33

Ut li xtib'eleb' li te'kamq taatiwe'q xb'aaneb' li so'sol jo'wi' eb' li josq' aj xul, ut maajun taaxib'enq reheb'.

Isaías 18:6

Chixjunil taakanaaq cho'q reheb' li josq' aj xul sa'atqeb' li tzuultaq'a, cho'q xtib'eb' li so'sol ut eb' li josq' aj xul chiru li saq'ehil ut li hab'alq'e”.

Salmos 68:23

Xyehom li Qaawa': “Tatinsutq'isi chaq sa' li na'ajej Basán, tatwisi chaq sa' xchamal li palaw,

Jeremías 12:9

Lintenamit kama' chik li xik'anel xul ch'ina'us rilb'al, ut chixjunileb' li k'uch neke'rupupnak sa' xb'een. Kimqex, chejunilex li k'iche'il xul; ch'utub'omaq eerib' chi xt'upinkil!

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Lamentaciones 3:11

Sa' xsachb'esinkil linb'e kok' q'uy xinxkanab', chi k'ajo' xsachik linch'ool.

Ezequiel 33:27

“Ye ajwi' reheb': «Jo'ka'in xye li Qaawa': Sa' xk'ab'a' linloq'al, ninye li waatin naq eb' li wankeb' sa'eb' li juk'b'il tenamit, te'kamsiiq chi q'esnal ch'iich'; eb' li wankeb' sa' k'aleb'aal, te't'upiiq xb'aaneb' li josq' aj xul, ut eb' li wankatqeb' sa'eb' li ochoch pek ut eb' li saqoonak, te'kamq xb'aan li yajel.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

Deuteronomio 32:24

Telaje'kamq xb'aan tz'okaak ut li tiq; te'sache'q ruheb' xb'aan li yib' aj raxkamk. Tintaqlaheb' sa' xb'eeneb' li josq' aj xul ut eb' li k'anti' neke'kamsink.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.