Jeremías 15:20 - Q'eqchi Bible

²⁰ Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Li Santil hu

²⁰ Chiruheb li tenamit chanchanakat jun li tzꞌac cau rib yi̱banbil riqꞌuin bronce. Eb aꞌan teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin. La̱in tincolok a̱cue ut la̱in tin-ilok a̱cue.

Jeremías 15:20 ပူးပေါင်းရင်းမြစ်များ

Ezequiel 3:9

Jwal kawaq aawib' jo' li raxpek, ut q'axal kawaq chik laawilob'aal chiru li saqoonak. Matxiwak ut maaxiwa ruheb', xb'aan naq q'etq'etil tenamiteb'”.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

2 Timoteo 4:22

Li Qaawa' chiwanq taxaq aawik'in. Li rusilal li Yos chiwanq taxaq eerik'in.

Jeremías 6:27

Jo'ka'in kixye we li Qaawa': “Xatinxaqab' sa' lintenamit re taawil ut taatz'il rix li neke'xb'aanu, jo' naxb'aanu li nayalok li oor”.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Jeremías 15:10

Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

Jeremías 15:15

At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

Jeremías 38:28

Ut laj Jeremías kikanaak chiru xneb'aalil li rochocheb' laj k'aak'alenel, toj sa' li kutan ki'eechaniik wi' Jerusalén xb'aaneb' laj Kaldeha.

Jeremías 39:11

Laj Nabukodonosor, li awab'ej re Babilonia, kixchaq'rab'i laj Nabusaradán, xjolomileb' laj k'aak'alenel, chirix li k'aru taakanaaq wi' laj Jeremías, ut kixye re:

Jeremías 42:11

Meexiwa ru li awab'ej re Babilonia, li q'axal nekexxiwak xb'aan. Mexxiwak chiru xb'aan naq wankin eerik'in chekolb'al ut cherisinkil rub'el li xwankil.

Daniel 3:17

Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Salmos 37:39

Rik'in li Qaawa' nachalk chaq xkolb'aleb' li tiikeb' xch'ool: A'an li xkawub' xch'ooleb' naq wankeb' sa' rahilal.

Ezequiel 3:8

Jo'kan naq laa'in tink'e xkawub' laajolom ut tinkawub'resi laach'ool jo' eb' a'an.