Jeremías 15:2 - Q'eqchi Bible

² Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Li Santil hu

² Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.

Jeremías 15:2 ပူးပေါင်းရင်းမြစ်များ

Jeremías 43:11

Taachalq ut tolxjuk' Ejiipt. Eb' li ak teneb'anb'il kamk sa' xb'eeneb', te'kamsiiq; eb' li tento te'isiiq sa' li xna'ajeb', te'isiiq; ut eb' li ak teneb'anb'il naq te'kamq sa' li raaxiik', sa' li raaxiik' te'kamq.

Zacarías 11:9

Ut kinye reheb' li karneer: “Moko laa'in ta chik tin'iloq eere. Li tento taakamq, kamkaq; li tento taasachq, chisachqaq. Ut eb' li te'kole'q, xtiwaqeb' rib' chirib'ileb' rib'”.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Isaías 24:18

Li ani ink'a' taakamq xb'aan li xxiw toxt'ane'q sa' li jul; ut li taa'elq chaq sa' li jul toxt'ane'q sa' li ra'al. Taateeq'uuq li choxa ut taachalq chaq li b'ut'iha', ut te'chiq'chiq'iiq eb' li roqechal li ruuchich'och'.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

Daniel 9:12

«Li Qaawa' xb'aanu li yeeb'il chaq chiqix ut chirixeb' laj jolominel qe: xtaqla chaq jun nimla rahilal sa' qab'een ut sa' xb'een Jerusalén, li maajun wa k'ulb'il junsutaq sa' ruuchich'och'.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Jeremías 14:16

Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Ezequiel 12:11

Laa'in jun eetalil cho'q eere. Jo' xinb'aanu laa'in, jo'kan ajwi' taa'uxmanq eere laa'ex: texk'ame'q chi preexil sa' najtil tenamit.

Ezequiel 33:27

“Ye ajwi' reheb': «Jo'ka'in xye li Qaawa': Sa' xk'ab'a' linloq'al, ninye li waatin naq eb' li wankeb' sa'eb' li juk'b'il tenamit, te'kamsiiq chi q'esnal ch'iich'; eb' li wankeb' sa' k'aleb'aal, te't'upiiq xb'aaneb' li josq' aj xul, ut eb' li wankatqeb' sa'eb' li ochoch pek ut eb' li saqoonak, te'kamq xb'aan li yajel.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.