Jeremías 15:19 - Q'eqchi Bible

¹⁹ Toja' naq li Qaawa' kixye we chi jo'ka'in: “Wi tatsutq'iiq chaq wik'in, laa'in tatink'ul wi' chik ut tat-ok wi' chik chi k'anjelak chiwu. Wi taakanab' xyeeb'al memil aj aatin ut taatikib' xyeeb'al li jwal aajel ru, laa'at li tat-aatinaq sa' ink'ab'a'. A'eb' li poyanam tento te'sutq'iiq aawik'in, moko laa'at ta li tatsutq'iiq rik'ineb'.

Li Santil hu

¹⁹ Ut li Ka̱cuaꞌ quixye cue: —Cui ta̱yotꞌekꞌ a̱chꞌo̱l ut ta̱jal a̱cꞌaꞌux, la̱in tatincꞌul cuiꞌchic ut la̱at tatcꞌanjelak chicuu. Mat-a̱tinac yal chi ma̱cꞌaꞌ rajbal. Cui la̱at tat-a̱tinak saꞌ incꞌabaꞌ, la̱atak lin profeta. Ut eb li tenamit aꞌin teꞌsukꞌi̱k a̱cuiqꞌuin. Incꞌaꞌ tento nak la̱at ta̱ba̱nu li cꞌaꞌru teꞌraj eb aꞌan.

Jeremías 15:19 ပူးပေါင်းရင်းမြစ်များ

Zacarías 3:7

“Jo'ka'in naxye li Nimajwal Yos: «Wi nakak'uula linchaq'rab' sa' laach'ool ut nakapaab' li waatin, laa'at tatjolominq re li wochoch; laa'at ajwi' tat-iloq reheb' li xneb'aalil, ut laa'in tatink'e chi wank sa' xyanqeb' li wankeb' arin.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Levítico 10:10

Chi jo'kan teenaw b'arwan li k'aru santob'resinb'il ut li ink'a' santob'resinb'il, li k'aru us ut li ink'a' us,

Ezequiel 44:23

“Eb' laj tij te'xtzol lintenamit chirix li k'aru jwal loq' ut li ink'a' loq'; chirix li k'aru saq ru ut li ink'a' saq ru.

Ezequiel 22:26

Eb' laj tij sa' li tenamit a'in xe'xsach xwankil linchaq'rab' ut xe'xmux ru li k'a'aq re ru q'axal loq' cho'q we; ink'a' neke'xnaw xyeeb'al b'ar wank li loq' ut li muxb'il ru, chi moko b'ar wank li saq ru ut li tz'ajn ru. Ink'a' neke'roxloq'i linhilob'aal kutan, chi moko neke'xloq'oni wu laa'in.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

Hebreos 5:14

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

Hechos 20:27

xb'aan naq ink'a' xinxiwak chi xyeeb'al eere resil chixjunil li xnimal rajom li Yos.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Éxodo 4:12

Jo'kan b'i', ayu: laa'in wanqin sa' laawe ut tink'ut chawu li k'aru toxaaye”.

Ezequiel 2:7

Taaye reheb' li waatin, a' yaal chik reheb' ma te'xpaab' malaj ink'a', xb'aan naq numtajenaq q'etq'eteb'.

San Lucas 12:12

xb'aan naq li Santil Musiq'ej taak'utuq cheru sa' ajwi' li honal a'an k'aru tento xyeeb'al”.

San Lucas 1:19

Kichaq'ok li ánjel ut kixye re: —Laa'in laj Gabriel li wankin chiru li Yos. Xinxtaqla chaq chawaatinankil ut chi xyeeb'al aawe li chaab'il esilal a'in.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Gálatas 2:5

A'ut laa'o ink'a' xqaq'axtesi qib' chi xb'aanunkil li neke'xye, yal ta jun ch'ina k'amok, re naq junelik xaqxooq sa' eeyanq li xyaalalil li Chaab'il Esilal.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

2 Corintios 5:16

Chalen ut anaqwan maa'ani chik naqanaw ru yal rik'in ruuchich'och'il k'a'uxl; ut wi junxil xqanaw ru li Kriist rik'in ruuchich'och'il k'a'uxl, anaqwan ink'a' chik naqanaw ru chi jo'kan.

Jonás 3:2

“Ayu sa' li nimla tenamit Nínive ut toxaaye li k'aru tinye aawe”.

Jeremías 4:1

“Wi taawaj sutq'iik chaq, a Israel, -chan li Qaawa'- wik'in laa'in tento tatsutq'iiq chaq. Wi taakanab' xloq'oninkil li jalanil yos li k'ajo' xyib'al ru ut ink'a' chik tat-eleliq chiwu,

Jeremías 6:29

Sa' tiqwal xam nach'ajob'resiik li q'unch'iich', ab'an maak'a' aj e naq naxtawasi rib' laj k'anjel wi ink'a' na'elk li xtz'ajnil li q'unch'iich'. Jo'kaneb' ajwi' li ink'a' useb' xna'leb': ink'a' na'elk li xmaa'usilaleb' xch'ool.

Jeremías 35:19

Jo'kan naq laa'in, li Nimajwal Yos, li xYos laj Israel, ninch'olob' cheru naq ink'a' taalajq junaq li ralal xk'ajol laj Jonadab, li ralal laj Rekab, re k'anjelak chiwu», chan li Qaawa'”.

Lamentaciones 1:11

Chixjunileb' laj Jerusalén yookeb' chi yaab'ak naq neke'xik chi xsik'b'al xwaheb'. Xe'xk'ayi li k'aru jwal loq' wank reheb' re te'wanq xtzekemq ut te'xkol li xyu'ameb': “At Qaawa', chawil ut chak'e reetal li xtoq'ob'aal qu”, chankeb'.

Levítico 14:57

re naq taaruhanq xk'eeb'al reetal li muxb'il ut li ink'a' muxb'il. Toj arin nawulak xch'olob'ankil li na'leb' chirix li saqlep.

Jeremías 1:9

Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.