Jeremías 15:15 - Q'eqchi Bible

¹⁵ At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

Li Santil hu

¹⁵ Laj Jeremías quixye: —At Ka̱cuaꞌ, la̱at nacanau chixjunil. Chinjulticokꞌ a̱cue ut china̱tenkꞌa. Ma̱cuy xma̱queb li nequeꞌxba̱nu raylal cue. Chaqꞌueheb ban chixtojbal xma̱queb re nak incꞌaꞌ tineꞌxcamsi. Chaqꞌuehak retal nak xban a̱ra̱bal la̱at nak yo̱quin chixcuybal li rahobtesi̱c.

Jeremías 15:15 ပူးပေါင်းရင်းမြစ်များ

Jeremías 12:3

At Qaawa', laa'at nakanaw wu; xinaawil ut xak'e reetal naq linch'ool wank aawik'in. K'ameb' sa' li kamsib'aal jo' naq nak'ame'k li karneer, ut k'e reetalileb' cho'q re xkutankil li kamsink.

San Lucas 21:17

ut xik' ilb'ilaqex xb'aaneb' chixjunil sa' ink'ab'a'.

Jeremías 20:12

At Nimajwal Yos li nakayal rixeb' li tiikeb' xch'ool, li nakanaw ut nakawil k'aru wank sa' xch'ool li winq, k'ut chiwu chanru naq tat-eeqajunq sa' xb'eeneb', xb'aan naq xinq'axtesi wib' sa' laawuq'.

Jeremías 17:16

Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Nehemías 13:22

Chirix chik a'an kinye reheb' laj Leví naq te'xch'ajob'resi rib' ut xikaqeb' chi xk'aak'alenkileb' li okeb'aal re naq ink'a' taamuxmanq li kutan sábado. Rik'in ajwi' a'in chinjultiko'q aawe, at inYos, ut chatoq'ob'a taxaq wu jo' chanru xnimal aawuxtaan!

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

Jeremías 20:8

Rajlal naq ninjap we chi aatinak, junes rahilal ut sachok li ninye. Junelikeb' chinhob'b'al ut chinse'enkil xb'aan naq ninpuktesi laawaatin.

Salmos 119:84

Jo' najtil roq xyu'am laj k'anjel chawu? Jo'q'e taaraq aatin sa' xb'eeneb' li xik' neke'ilok we?

Salmos 106:4

Chinjultiko'q taxaq aawe, at Qaawa', sa' xk'ab'a' xraab'al laatenamit; chinaawula'ani taxaq ut chinaakol,

Nehemías 5:19

Chirix chik a'an kintijok chi jo'ka'in: “Chinjultiko'q taxaq aawe, at inYos; chinaawosob'tesi sa' xk'ab'a' chixjunil li xinb'aanu cho'q re li tenamit a'in!”.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

2 Timoteo 4:14

Laj Alejandro, laj tenol ch'iich', naab'al li rahilal xb'aanu we. Li Qaawa' taa'eeqajunq re jo' chanru li xb'aanuhom.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

Romanos 12:19

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

San Mateo 19:29

Ut yalaq ani xkanab' rochoch, riitz'in, ranab', xna' xyuwa', ralal xk'ajol malaj ut xch'och' sa' ink'ab'a', tixk'ul o'taqk'aal reeqaj sa' xb'een li junjunq ut taareechani li junelik yu'am.

Jeremías 15:10

Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

Isaías 38:3

“At Qaawa', jultikaq taxaq aawe naq tiik ru linyu'am; xinwank chawu sa' chaab'ilal ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Salmos 102:24

Li Qaawa' xrisi linmetz'ew, xk'os roq linyu'am sa' xyiitoq linb'e.

Salmos 39:13

“At Qaawa', chak'ul taxaq lintij, chawab'i taxaq naq japjo we chayaab'ankil; maatz'apxiki aawib' naq yookin chi yaab'ak. Xb'aan naq yal aj numelin chawu, yal aj ula'in aawe, jo'keb' ajwi' chixjunil linna' linyuwa'.

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

Li xHu LAJ JOB 10:7

Laa'at nakanaw naq maak'a' inmaak ut maa'ani naru taakoloq we sa' laawuq'.

Nehemías 13:31

Jo'kan ajwi' kinb'aanu re naq ch'olch'ooq aniheb' te'k'amoq chaq si' cho'q re li artal sa' xq'ehil, ut kinye reheb' li tenamit naq tento xk'eeb'al li xb'een ru li awimq. At inYos, chinjultiko'q taxaq aawe sa' xk'ab'a' chixjunil li us xinb'aanu!

Nehemías 6:14

Toja' naq kintijok chi jo'ka'in: “At inYos, chijultiko'q aawe laj Tobías ut laj Sanbalat rik'in li k'aru xe'xb'aanu. Misachk ajwi' sa' aach'ool lix Nohadía li propeet jo' ajwi' li junch'oleb' chik chi propeet li ke'raj roksinkil inxiw”.

Romanos 8:35

Ani taajachoq qe rik'in li xrahom li Kriist? Ma li rahilal, li ch'a'ajkilal, li rahob'tesiik, li we'ej, li t'usam, li xiik'ilal malaj li kamsiik?

Jueces 16:28

Toja' naq laj Sansón kixyaab'a xk'ab'a' li Qaawa' ut kixye: “At Qaawa', chinjultiko'q taxaq aawe, k'e inmetz'ew ka'aj taxaq anaqwan, at inYos, re naq tink'e reeqaj chi junajwa reheb' laj Filistea li rahilal xe'xb'aanu we naq xe'risi xkab'ichaleb' xsa' wu”, chan.

Salmos 44:22

ma ink'a' ta raj xk'e reetal li Qaawa', li nanawok chixjunil li wank sa' li ch'oolej?

Jeremías 15:20

Laa'in tatinxaqab' chiruheb' a'an jo' jun kumul chi tz'ak li jwal kaw rib', jo' xkawil li q'anch'iich', li maajoq'e taaruuq xjuk'b'al. Te'yaloq aawik'in, ab'an ink'a' te'numtaaq sa' aab'een, xb'aan naq wankin aawik'in chakolb'al ut chatenq'ankil.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Jeremías 18:23

At Qaawa', laa'at nakanaw chixjunil li yookeb' xk'uub'ankil re inkamsinkil. Maakuy li xmaakeb' chi moko chisachq sa' laach'ool li ink'a' us xe'xb'aanu. Kamqeb' chawu ut isi laajosq'il sa' xb'eeneb'!”.

Lamentaciones 3:64

At Qaawa', eeqajun sa' xb'eeneb' jo' chanru xk'ulub'eb'.

Lamentaciones 3:66

Xb'aan xnimal laajosq'il charahob'tesiheb' ut sach ruheb' sa' xb'een li ruuchich'och' a'in.