Jeremías 14:9 - Q'eqchi Bible

⁹ K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Li Santil hu

⁹ ¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Jeremías 14:9 ပူးပေါင်းရင်းမြစ်များ

Isaías 63:19

Yooko chi xk'ulb'al chanchan naq maajun sut xqak'ab'a'in laak'ab'a', chanchano jun tenamit li maajun sut xat-awab'ejink sa' xb'eeneb'.

Isaías 59:1

Ink'a' teek'oxla naq li Qaawa' maak'a' chik xwankil chekolb'al, chi moko tz'aptz'o ta li xxik cherab'inkil.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Salmos 46:5

Li xkok' uq' li nima' neke'xsut ut neke'xsahob'resi ru li xtenamit li Yos, neke'xsantob'resi li xloq'laj muheb'aal li Nimajwal Yos.

Números 11:23

Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

Zacarías 2:5

Ab'anan naxye li Qaawa': Laa'in chik li xsuttz'akil; chanchanaqin xam chi xsutam lintenamit, ut linloq'al wanq aran sa' xyanqeb'»”.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Isaías 51:9

Ajen, ajsi aawu, at Qaawa', ut k'ut laawankilal; waklin jo' kab'aanu chaq junxil, jo' kab'aanu chaq najter q'e kutan. Ma ink'a' tab'i' laa'at katkamsink re Rahab, ut kapaynumi chi ch'iich' li xk'anti'il li palaw?

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Salmos 27:9

Maatz'eqtaana laj k'anjel chawu xb'aan laajosq'il: ka'jat wi' laa'at laj tenq'ahom we. Minsachk sa' aach'ool, minaakanab' injunes, laa'at li Yos li nakatkolok we.

1 Samuel 12:22

Sa' xk'ab'a' li xnimal xloq'al, li Qaawa' ink'a' texxtz'eqtaana, xb'aan naq A'an xk'ul ru eek'eeb'al cho'q xtz'aqal tenamit.

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

Hechos 15:17

re naq te'xsik' li Qaawa' jo'k'ihal toj xe'kanaak, chixjunileb' li tenamit ak q'axtesinb'ileb' cho'q we laa'in.

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Habacuc 1:2

At Qaawa', jo' najtil chik japjo'q we chi xpatz'b'al intenq'ankil aawe chi ink'a' nikinaawab'i? Toj jo'q'e yooqin chi jitok xb'aan li raaxiik' chi ink'a' tatchalq chi qakolb'al?

Deuteronomio 28:10

Toja' naq chixjunileb' li tenamit li wankatqeb' sa' ruuchich'och' te'ril naq sa' aab'een laa'at yaab'anb'il li xk'ab'a' li Qaawa', ut tate'xxiwa.

2 Crónicas 7:14

ut wi lintenamit, li naxk'am link'ab'a', te'xkub'si rib', te'tijoq, tine'xsik' ut te'xkanab' li xyib'al ru xna'leb'eb', laa'in te'wab'i toj sa' choxa, tinkuy li xmaakeb' ut tink'ojob' wi' chik xch'ooleb'.

Salmos 10:1

At Qaawa', k'a'ut naq nakatkanaak chi najt, k'a'ut naq nakamuq aawib' chiwu sa' xhonalil li rahilal?

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.

Lamentaciones 5:20

K'a' tab'i' naq toosachq sa' laach'ool chi junajwa? K'a' put naq toohaatz'eqtaana chiru chixjunil li qayu'am?

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.