Jeremías 14:7 - Q'eqchi Bible

⁷ At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Li Santil hu

⁷ Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Jeremías 14:7 ပူးပေါင်းရင်းမြစ်များ

Oseas 5:5

Li xq'etq'etileb' laj Israel yo chi q'apliik sa' xb'eeneb'; eb' laj Efraín neke'tichk'ok sa' li xmaa'usilaleb'; jo'kaneb' ajwi' laj Judá.

Salmos 25:11

Sa' xk'ab'a' xnimal aarahom chinaakuy, at Qaawa', xb'aan naq q'axal nim linmaak.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Isaías 59:12

Xb'aan naq xnumtaak li qaq'etq'etil chawu, at Qaawa', ut a' li qamaak najitok qe chawu. Wank sa' qach'ool li qaq'etb'a aatin ut naqanaw chixjunil li xoomaakob'k wi'.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Efesios 1:12

re naq chinimaaq xloq'al qab'aan laa'o li ak junxil xaqxo chaq li qoyb'enihom rik'in li Kriist.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Ezequiel 20:22

Ab'anan kinkuy linjosq'il ut ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Ezequiel 20:14

Ab'anan, sa' xk'ab'a' linloq'al, ink'a' kinb'aanu, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Salmos 115:1

At Qaawa', maak'e qaloq'al laa'o, chak'e b'an xloq'al laak'ab'a', xb'aan naq chaab'ilat ut tiik laach'ool.

Esdras 9:15

“At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Josué 7:9

Naq eb' laj Kanahán jo'wi' chixjunileb' li wankeb' sa' li na'ajej a'in te'xnaw a'an, te'xjunaji chaq rib' sa' qab'een ut te'xsach chi junajwa li qak'ab'a' sa' ruuchich'och'. Wi jo'kan taaqak'ul, k'aru taab'aanu laa'at re xkolb'al rix laaloq'al?”, chan laj Josué.

Deuteronomio 32:27

Ab'anan ink'a' xwaj naq eb' li xik' neke'ilok reheb' te'xnimob'resi rib' ut te'xye: Laa'o xoosachok reheb', moko a' ta li Qaawa' xb'aanunk re a'in.

Jeremías 8:14

Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Salmos 79:9

At Qaawa', at aj Kolol qe, choohaatenq'a taxaq, sa' xk'ab'a' li xnimal aaloq'al. Choohaakol taxaq, chakuy chasach ta qamaak sa' xk'ab'a' laawankilal ut laatiikilal.

Isaías 48:11

Sa' xk'ab'a' linloq'al ut linrahom xinb'aanu: maajoq'e tinkanab' chi muxe'k link'ab'a', chi moko tinq'axtesi linloq'al re jalan chik.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Amós 7:2

Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

Jeremías 5:25

Xb'aan leemaa'usilal naq xjalaak ru chixjunil a'in; a' leemaak laa'ex xnajtob'resink eere rik'in li sahil wank.

Jeremías 10:19

Jwal toq'ob' wu, q'axal ra wankin ut maak'a' xb'anol linrahilal. Sa' inch'ool laa'in naq ink'a' nim linrahilal ut moko ch'a'aj ta xkuyb'al li xmay.

Miqueas 7:9

Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.