Jeremías 14:22 - Q'eqchi Bible

²² Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Li Santil hu

²² ¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Jeremías 14:22 ပူးပေါင်းရင်းမြစ်များ

Joel 2:23

Ex aj Sión, chisaho'q leech'ool ut sahoqex rik'in li Qaawa' leeYos. Xb'aan naq A'an nak'ehok eere leetzekemq chi tz'aqal rik'in xtaqlankil chaq li hab' sa' xq'ehil, kama' chaq junxil.

Jeremías 5:24

Ink'a' x'alaak b'ayaq sa' xch'ooleb' xyeeb'al: Qaxiwaaq ru li Qaawa' li qaYos li naxtaqla chaq li hab' sa' xq'ehil; ut ak xaqxo li kutan li naqaxok wi' ru li awimq.

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Jeremías 51:16

Rik'in li xyaab' xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Isaías 41:29

Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

Salmos 130:5

K'ojk'o linch'ool rik'in li Qaawa', k'ojk'o li waanm rik'in li xloq'laj aatin.

Salmos 25:21

Li xsaqal ru li waanm ut li tiikilal che'k'aak'alenq we, xb'aan naq kaw linch'ool aawik'in, at Qaawa'.

1 Reyes 17:14

Xb'aan naq jo'ka'in xye li Qaawa', xYos laj Israel: «Ink'a' taalajq li k'aj sa' li uk'al; chi moko taayamaaq xsa' li xkukb'il li aseeyt toj reetal naq li Qaawa' tixk'e chaq li hab' sa' xb'een li ruuchich'och'»”.

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

Deuteronomio 28:12

Li Qaawa' tixte chawu li choxa b'arwi' k'uulanb'il li xb'ihomal, ut naq taawulaq xkutankil, tixk'e chaq li hab' sa' xb'een li ruuchich'och' re rosob'tesinkil chixjunil laak'anjel. Taak'eheb' xto' naab'al chi tenamit ut laa'at ink'a' tatpatz'oq to'.

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Amós 4:7

“Naq oxib' po chik xq'ehil li q'olok, xintz'ap li hab'. Xink'e li hab' sa' jun tenamit, ut sa' li jun chik ink'a' xink'e. Xk'e li hab' sa' jun k'aleb'aal, ut li jun chik xchaqik xb'aan xmajelal li ha'.

Jeremías 10:13

Rik'in xyaab' li xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Salmos 147:8

A'an namoyok li choxa rik'ineb' li choql, naxkawresi li hab' cho'q re li ch'och' ut nak'ehok chi yo'laak li raxpim sa'atqeb' li loq'laj tzuultaq'a.

Salmos 27:14

K'ojk'ooq aawaanm rik'in li Qaawa', kawaq aach'ool ut chatkuyuq; k'ojk'ooq aawaanm rik'in li Qaawa' chi junelik!

Salmos 25:3

Maak'a' xk'utb'al xxutaan li kaw xch'ool aawik'in, ka' aj b'an wi' cho'q re li nab'alaq'ink chi maak'a' xyaalal.

Li xHu LAJ JOB 5:10

A'an naxtaqla chaq li hab' sa' xb'een li ch'och' ut naxt'aqresi chixjunileb' li awimq.

1 Reyes 18:1

Moqon naq ak wank chik rox chihab' xtiklajik li we'ej, li Qaawa' kiraatina laj Elías ut kixye re: “Ayu, toxaak'ut wi' chik aawib' chiru laj Ajab, xb'aan naq ok we chi xtaqlankil li hab' sa' xb'een li ruuchich'och'”, chan.

1 Reyes 8:36

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

San Mateo 5:45

re naq laa'exaq ralal xk'ajol leechoxahil Yuwa' li naxk'e chaq li saq'e sa' xb'eeneb' li ink'a' useb' jo'wi' li useb' xch'ool, ut naxk'e chaq li hab' sa' xb'eeneb' li tiikeb' jo'wi' li ink'a' tiikeb' xch'ool.

Jeremías 5:12

Ke'xyehatq naq maak'a' li Yos: “Maak'a' xwankil li Yos; maajun rahilal tqak'ul. Ink'a' taawanq raaxiik' chi moko we'ej.

Jeremías 10:3

Maak'a' na'ok wi' li xpaab'ahomeb' li tenamit a'an. Neke'xyok' jun tololaq li che' sa' k'iche' ut jun aj peech' natuqub'ank ru rik'in li xch'iich';

Oseas 2:7

Tixtaaqeheb' li xsum, ab'an ink'a' toxtaweb'; tixsik'eb', ab'an maab'ar tixtaweb'. Toja' naq tixye: «Tinsutq'iiq wi' chik rik'in linb'eelom, xb'aan naq sa ajwi' xinwank rik'in chiru anaqwan», cha'aq.

Li xHu LAJ JOB 28:26

naq kixxaqab' xwankil li hab'alq'e ut kixye ajwi' b'ar taanume'q li kaqsut-iq',

Jeremías 10:12

Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in xseeb'al li xk'a'uxl, ut rik'in li xnimal xnawom kixhel ru li choxa.

Miqueas 5:6

Eb' a'an te'awab'ejinq re Asiria, li xna'aj laj Nemrod, rik'in q'esnal ch'iich', ut toohe'xkol chiruheb' laj Asiria li te'ok sa' li qatenamit re reechaninkil li qach'och'.