Jeremías 14:16 - Q'eqchi Bible

¹⁶ Ut eb' li tenamit a'an te'kanaaq chi t'ant'o sa'atqeb' li b'e re Jerusalén: te'kamq xb'aan li raaxiik' ut li we'ej, chi maajun taamuquq reheb', rochb'eeneb' li rixaqil ut eb' li ralal xk'ajoleb'. A' ajwi' li xmaa'usilaleb' tinq'aplusi sa' xb'eeneb'.

Li Santil hu

¹⁶ Ut eb li tenamit li yo̱queb chi abi̱nc re li cꞌaꞌru nequeꞌxye li profeta aꞌin, teꞌcutekꞌ saꞌ eb li be re Jerusalén xban li ple̱t ut xban cueꞌej. Ut ma̱ ani ta̱ru̱k ta̱mukuk reheb. Incꞌaꞌ teꞌmukekꞌ li rixakileb chi moco li ralal xcꞌajoleb. La̱in tintakla li raylal saꞌ xbe̱neb joꞌ xcꞌulubeb xcꞌulbal.

Jeremías 14:16 ပူးပေါင်းရင်းမြစ်များ

Jeremías 7:33

Ut li xtib'eleb' li te'kamq taatiwe'q xb'aaneb' li so'sol jo'wi' eb' li josq' aj xul, ut maajun taaxib'enq reheb'.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Apocalipsis 16:1

Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Jeremías 9:22

Neke'jilixink eb' li kamenaq chanchaneb' li k'ot chiru ch'och'; neke't'anlok chiru ch'och' jo' li pim naq ak xyok'e'k, ut maajun chik naxokok reheb'”. A' li Qaawa' xyehok re.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Jeremías 4:18

“Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Isaías 9:16

Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.

Isaías 51:20

Eb' laawalal aak'ajol t'ant'ookeb' xe'kanaak sa'atqeb' li xaalib'e, jo'keb' li yuk naq xe't'ane'k sa' li ra'al; xe'lub'k xb'aan xjosq'il li Qaawa' naq xe'q'use'k xb'aan laaYos.

Jeremías 8:1

“Chiruheb' li kutan a'an -chan li Qaawa'- li xb'aqeleb' li awab'ej re Judá te'isiiq sa' li xmuqleb'aaleb'; li xb'aqeleb' li xninqaleb' ru winq, eb' laj tij, eb' li propeet ut li xb'aqel chixjunileb' li ke'wank Jerusalén te'isiiq

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 27:15

Moko laa'in ta xintaqlank reheb' -chan li Qaawa'-, ut yookeb' chi roksinkil link'ab'a' chi yal tik'ti'. Mare anchal texwisi sa' leena'aj, ut texkamq laa'ex jo'wi' eb' li propeet xe'b'alaq'ink eere”.

Ezequiel 39:14

Chirix chik a'an te'xaqab'aaq eb' li winq li te'xsuti chixjunil li na'ajej re xmuqb'aleb' li kamenaq li maji' muqb'ileb'. Ut a'in te'xb'aanu chiru wuqub' po re xsaab'esinkil li na'ajej.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Jeremías 9:20

Ex ixq, ab'ihomaq li raatin li Qaawa'; k'uulahomaq sa' leech'ool li aatin na'elk chi xtz'uumal re. Tzolomaqeb' leeko' rik'in li b'ich a'in re rahil ch'oolejil ut tzolomaqeb' ajwi' leeramiiw ixq chi jo'ka'in:

Jeremías 20:6

Ut laa'at, a Pasjur, tatchape'q aawochb'een laajunkab'al ut texk'ame'q Babilonia. Aran toxatkamq ut tatmuqe'q aawochb'eeneb' laawamiiw li xab'alaq'iheb' rik'ineb' laawaatin»”.