Jeremías 14:14 - Q'eqchi Bible

¹⁴ Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Li Santil hu

¹⁴ Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Jeremías 14:14 ပူးပေါင်းရင်းမြစ်များ

Ezequiel 12:24

Sa' xyanqeb' laj Israel ink'a' chik taa'ilmanq moy u chi maak'a' rajb'al, chi moko taa'uxq ta chik xyeeb'al li tik'ti' sa' li q'ehink.

Jeremías 29:31

“Taqla xyeeb'al reheb' chixjunil li wankeb' chaq chi preexil: «Li Qaawa' naxye chi jo'ka'in chirix laj Semaías, aj Nehelam: Laj Semaías xexraatina jo' propeet ut moko laa'in ta xintaqlank re; a'an xk'ojob' ajwi' leech'ool rik'in li tik'ti'.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Ezequiel 21:29

Moko yaal ta li k'aru neke'ril sa' moy u ut junes tik'ti' li neke'xye naq neke'q'ehib'k. Te'kamsiiq chi q'esnal ch'iich' eb' a reemaaru aj maak a'an. Ak xwulak xkutankil li xtojb'al rix li xmaakeb'.

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

Zacarías 13:3

Ut wi wank junaq li toj na'aatinak jo' propeet, taayehe'q re xb'aaneb' li xna' xyuwa': «Laa'at tatkamq, xb'aan naq tik'ti' li yookat xyeeb'al sa' xk'ab'a' li Qaawa'». Ut eb' li xna' xyuwa' te'xkamsi chi ch'iich' naq yooq chi aatinak jo' propeet aj b'alaq'.

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.

Ezequiel 13:23

Jo'kan naq ink'a' chik tex'iloq b'alaq'il moy u chi moko texq'ehinq chik. Laa'in tinkol lintenamit sa' leeruq' ut aran teenaw naq laa'in li Qaawa'»”.

Jeremías 37:19

B'ar xkoheb' leepropeet li xe'yehok naq li awab'ej re Babilonia ink'a' tolyaloq eerik'in chi moko taareechani li tenamit a'in?

Jeremías 29:21

“Jo'ka'in xye li Nimajwal Yos, li xYos laj Israel, chirix laj Ajab, ralal laj Kolaías, ut chirix laj Sedesías, ralal laj Mahasías, li neke'roksi link'ab'a' yal re eeb'alaq'inkil: «Tinq'axtesiheb' sa' ruq' laj Nabukodonosor, li awab'ej re Babilonia, ut a'an taakamsinq reheb' cheru ajwi' laa'ex.

Jeremías 28:15

Toja' naq laj Jeremías kixye re laj Ananías: “Ab'i, a Ananías. Maawa' li Qaawa' xtaqlank chaq aawe chi aatinak, ut laa'at yookat chi xk'ojob'ankil xch'ool li tenamit a'in rik'in laatik'ti'.

Jeremías 28:13

“Ayu ut ye re laj Ananías sa' ink'ab'a': «Yal che' b'itche' li xatoqi, ab'anan laa'in tink'e jun b'itch'iich' cho'q reeqaj.

Isaías 9:15

Li cheekel winq ut li nim xwankil, a'an li jolomej, ut li propeet aj b'alaq', a'an li xye.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Deuteronomio 18:20

Ab'an wi li propeet taa'aatinaq sa' ink'ab'a' chi ink'a' xinye laa'in, malaj taa'aatinaq sa' xk'ab'a'eb' li jalanil yos, li propeet a'an taakamq», chan li Qaawa'.

Isaías 56:10

Xb'aan naq mutz'eb' li neke'k'aak'alenk re lintenamit, ut maak'a' neke'xk'e reetal. Chixjunileb' chanchaneb' li tz'i' ink'a' nawoob'ak; neke'xnumsi li kutan chi hilank ut chi matk'ek, q'axal nawulak chiruheb' li wark.

Jeremías 8:11

Yal neke'xkotz b'ayaq li xrahilaleb' lintenamit rik'in xyeeb'al: Wank li tuqtuukilal; ab'anan maak'a' li tuqtuukilal.

Jeremías 20:6

Ut laa'at, a Pasjur, tatchape'q aawochb'een laajunkab'al ut texk'ame'q Babilonia. Aran toxatkamq ut tatmuqe'q aawochb'eeneb' laawamiiw li xab'alaq'iheb' rik'ineb' laawaatin»”.

Jeremías 28:11

Ut kixye chiruheb' chixjunil li tenamit: “Jo'ka'in xye li Qaawa': «Jo' naq xwisi li b'itche' a'in chirix xkux laj Jeremías, jo'kan ajwi' naq twisiheb' chixjunileb' li tenamit rub'el xwankil li awab'ej re Babilonia sa' wiib' chihab', ut tinjuk'i»”. Laj Jeremías ki'elk aran ut koho.

Lamentaciones 2:9

T'anjenaqeb' chik sa' ch'och' eb' li xtz'apb'al ut xnat'b'aleb' rix li okeb'aal: li Qaawa' xjuk'uk ut xjorok reheb'. Li awab'ej ut li xninqaleb' ru winq wankatqeb' chik sa' xyanqeb' li maak'a'eb' xpaab'aal. Maak'a' chik Chaq'rab', ut eb' li propeet maak'a' chik neke'rab'i rik'in li Yos.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Ezequiel 13:2

“At kaamel winq, aatinan rik'ineb' li propeet aj Israel, eb' li neke'aatinak chi yal xk'a'uxeb' rib', ut ye reheb' sa' ink'ab'a': «Ab'ihomaq li naxye li Qaawa':