Jeremías 14:10 - Q'eqchi Bible

¹⁰ Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Li Santil hu

¹⁰ Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Jeremías 14:10 ပူးပေါင်းရင်းမြစ်များ

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Oseas 8:13

Nawulak chiruheb' li mayejak: mayejaqeb' ut xtzekaaqeb' li tib' mayejanb'il! Ab'an laa'in li Qaawa' ink'a' sa inch'ool rik'ineb': jultik we li maa'usilal xe'xb'aanu, ut tinrahob'tesiheb' xb'aaneb' li maak xe'xb'aanu rik'in xtaqlankileb' wi' chik Ejiipt.

Salmos 119:101

Xwisi wib' sa' xb'ehil li maa'usilal re naq tink'uula sa' li waanm laawaatin.

Amós 5:22

Wi nekemayeja leek'atb'il xul ut leeyeechi'om, laa'in ink'a' tink'ul; chi moko nawulak chiwu naq nekemayeja leeninqi wakax chirix li k'amok ib' sa' usilal.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Hebreos 8:12

Laa'in tinkuy li xmaakeb' ut ink'a' chik tjultiko'q we li xmaa'usilaleb'”.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Oseas 11:9

Ink'a' tatinrahob'tesi xb'aan xxamlel linjosq'il ut ink'a' chik tinsach ruheb' laj Efraín, xb'aan naq laa'in li Yos ut maawa'in winq. Laa'in li Sant sa' eeyanq, ut ink'a' tinchalq chesachb'al”.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Jeremías 8:5

Ut k'a'ut naq li tenamit Jerusalén toj naxjipi rib' ut naxq'etq'eti rib' chi junajwa? Jwal kaw xch'ooleb' chirix li b'alaq'il na'leb' ut ink'a' neke'raj sutq'iik chaq wik'in.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

1 Reyes 17:18

Toja' naq li ixq kixye re laj Elías: “K'aru wank we aawik'in, at xtaql li Yos? Ma xatchalk chi xjultikankil linmaak ut xkanab'ankil chi kamk linyum?”.

1 Samuel 15:2

A'in naxye li Nimajwal Yos: «Ak xink'uub' xrahob'tesinkileb' laj Amalek jo' reeqaj li ke'xb'aanu reheb' laj Israel: eb' a'an ke'xram xb'e lintenamit naq yookeb' chaq chi taqe'k Ejiipt.

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Ezequiel 29:16

Ut eb' laj Israel ink'a' chik te'xkawu xch'ool chirixeb' laj Ejiipt, te'xk'e b'an reetal naq moko us ta xe'xb'aanu naq xe'xpatz' xtenq'ankileb' rik'ineb'. Toja' naq te'xnaw naq laa'in li Qaawa'»”.

Oseas 7:2

Ink'a' neke'xk'oxla naq jultik we li xmaakeb'. Ut anaqwan tz'aptz'ookeb' sa' li maak, junelik wank chiwu li xmaa'usilaleb'.

Oseas 7:13

“Ra chaalel sa' xb'eeneb' li xe'kanab'ank we. Tz'eqtaananb'ilaqeb' xb'aan naq xe'xjipi rib' chiwu. Laa'in teb'inkol raj, a'ut eb' a'an tik'ti' chik neke'xye chiwix.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Salmos 95:10

Chiru ka'k'aal chihab' ke'xpo' linch'ool eb' li tenamit a'an, ut kinye: «Li tenamit a'in q'axal b'ach'b'ach'eb', ink'a' neke'raj xtaaqenkil linb'e».