Jeremías 13:19 - Q'eqchi Bible

¹⁹ Eb' li tenamit sa' xteepal Nejeb sutsuukeb' xb'aaneb' li xik' neke'ilok reheb', ut maajun chik naru chi nume'k aran. Chixjunileb' laj Judá xe'chape'k ut xe'k'ame'k chi preexil sa' najtil tenamit.

Li Santil hu

¹⁹ Eb li tenamit li cuanqueb Neguev tzꞌaptzꞌo chic lix puertileb. Ut ma̱ ani chic ta̱ru̱k ta̱tehok re. Chixjunileb li cuanqueb Judá teꞌchapekꞌ ut teꞌcꞌamekꞌ saꞌ jalan tenamit.

Jeremías 13:19 ပူးပေါင်းရင်းမြစ်များ

Jeremías 52:30

naq yo roxka'k'aal chihab' chi awab'ejink laj Nabukodonosor, laj Nabusaradán, li xjolomileb' laj k'aak'alenel, kixk'am oob' xwaqxaqlajuk'aal xkab' o'q'ob' (745) chi poyanam aj Judá. Li xk'ihaleb' chixjunil a'an: kaahib' mil rik'in lajeek'aal xkab' o'q'ob' (4,600) chi poyanam li ke'isiik sa' li xna'ajeb'.

Jeremías 39:9

ut eb' li poyanam li ke'kanaak sa' li tenamit ut eb' li ke'q'axonk sa' xyanqeb' laj Kaldeha jo'wi' chixjunileb' laj pak'onel ke'k'ame'k Babilonia xb'aan laj Nabusaradán, xjolomileb' laj k'aak'alenel.

2 Reyes 25:21

Ut a'in kixtaqla xkamsinkileb' aran Riblá, sa' xteepal Jamat. Jo'ka'in naq eb' laj Judá ke'k'ame'k sa' jalanil tenamit, najt rik'in li xtenamiteb'.

Deuteronomio 28:52

“Te'xsut aawix sa' chixjunileb' laatenamit toj reetal te't'ane'q eb' li tz'ak najt xterameb' ut yiib'anb'ileb' chi chaab'il, a' li kaw wi' aach'ool. Te'xsut aawix sa' chixjunileb' laatenamit ut sa' li na'ajej xk'ehom aawe li Qaawa' laaYos.

Jeremías 33:13

Sa'eb' li tenamit wankeb' chaq chi tzuul jo' ajwi' li wankeb' chiru taq'a, sa' xteepal Nejeb ut sa' xteepal Benjamín, sa'eb' li na'ajej chi xsutam Jerusalén ut sa'atqeb' li xtenamitul Judá, te'ilmanq wi' chik eb' laj ilol ketomq chi rajlankileb' li xkarneer”, chan li Qaawa'.

Jeremías 20:4

Xb'aan naq li Qaawa' xye chi jo'ka'in: «Tink'e naq taaxiwa aawib' aajunes ut tatkanaaq cho'q xxiweb' chixjunileb' laawamiiw. Laa'at taawileb' naq te'kamsiiq chi ch'iich' xb'aaneb' li xik' neke'ilok reheb'. Tinq'axtesi chixjunileb' laj Judá sa' ruq' li awab'ej re Babilonia re naq te'k'ame'q sa' li tenamit a'an ut te'kamsiiq chi ch'iich'.

Jeremías 17:26

Te'chalq eb' laj Judá li wankatqeb' chaq chi xsutam Jerusalén, eb' li wankeb' chaq sa' xteepal Benjamín ut chiru taq'a, li wankeb' chaq chiru tzuul ut sa' xtaq'ahil Nejeb. Te'xk'amatq chaq eb' li xxul ut eb' li ru awimq cho'q xmayejeb', li k'ajpom jo'wi' chixjunil li k'a'aq re ru nayeechi'imank re b'anyoxink sa' rochoch li Yos.

Li xHu LAJ JOB 12:14

Wi A'an najuk'uk, ink'a' chik naru xkab'lankil; wi junaq nachape'k xb'aan li Yos, maa'ani chik naru taa'ach'ab'anq re.

Josué 18:5

Eb' li winq a'an te'xjachi li ch'och' sa' wuqub' jachal. Eb' laj Judá te'kanaaq sa' xna'ajeb', sa' xjayal rokeb'l iq', ut eb' li ralal xk'ajol laj José te'kanaaq sa' xna'ajeb', sa' xjayal releb'l iq'.

Deuteronomio 28:15

“Ab'anan wi ink'a' taawab'i xyaab' xkux li Qaawa' laaYos ut wi ink'a' taapaab' ut taak'anjela ru chixjunil li xchaq'rab' li yookin chi xyeeb'al aawe anaqwan, te'chalq sa' aab'een chi numtajenaq chixjunileb' li rahilal a'in:

Jeremías 32:44

Te'xloq'atq xch'och'eb' ut te'xtoj rik'in plaat; te'xtz'iib'a xhuhul, te'xkaaxti ut eb' li testiiw te'xjuch' li xk'ab'a'eb' sa' xhuhul li ch'och'. A'in taak'ulmanq sa' xteepal Benjamín, sa' xsutam Jerusalén ut sa'atqeb' li tenamit re Judá, sa'eb' li tzuultaq'a ut sa' xteepal Nejeb, xb'aan naq te'sutq'iiq chaq wi' chik li wankeb' chaq chi preexil”, chan li Qaawa'.

Lamentaciones 1:3

Rahob'tesinb'ileb' ut tawasinb'ileb' laj Judá; xe'k'ame'k sa' jalan chik tenamit chi k'anjelak chi kaw. Xe'chape'k xb'aaneb' li neke'numtaak sa' xb'eeneb', ut maab'ar neke'xtaw xk'ojob'ankil xch'ooleb'.

Zacarías 7:7

Ma ink'a' jultik eere eb' li aatin xyehom chaq li Qaawa' chi xtz'uumal reheb' li propeet junxil, naq Jerusalén ut eb' li tenamit chi xsutam wankeb' chaq sa' tuqtuukilal ut k'ajo'eb' li xpoyanamil, ut li chaqich'och' re Nejeb ut li ru taq'a toj tenamiteb' chaq?»”.

1 Crónicas 9:1

Chixjunileb' laj Israel tz'iib'anb'il xk'ab'a'eb' sa' xHuheb' li awab'ej re Israel. Ab'an eb' laj Judá ke'k'ame'k aran Babilonia xb'aan li xmaa'usilaleb'.

Jeremías 24:1

Moqon laj Nabukodonosor, li awab'ej re Babilonia, kixchap laj Jekonías, ralal laj Johakín, li awab'ej re Judá, rochb'eeneb' li xninqaleb' ru winq aj Judá, eb' laj tenol ch'iich' jo'wi' eb' laj peech', ut kixk'ameb' chi preexil aran Babilonia. Chirix chik a'an kixk'utb'esi chiwu wiib' chakach chi iig wankeb' chiru rochoch li Qaawa'.

Jeremías 28:4

Tink'e ajwi' chi sutq'iik chaq laj Jekonías, ralal laj Johakín, awab'ej re Judá, ut chixjunileb' laj Judá li ke'k'ame'k chi preexil Babilonia -chan li Qaawa'-, xb'aan naq laa'in tinjuk' li xwankil li awab'ej re Babilonia»”.

Jeremías 52:28

A'an a'in xk'ihaleb' laj Judá li kixk'ameb' chi preexil laj Nabukodonosor sa' xwuq xchihab' chi awab'ejink: oxib' xkab'lajuk'aal xwaqxaq o'q'ob' (3,023) chi poyanam aj Judá;