Jeremías 13:16 - Q'eqchi Bible

¹⁶ Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Li Santil hu

¹⁶ Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Jeremías 13:16 ပူးပေါင်းရင်းမြစ်များ

Isaías 59:9

Xmaakeb' a'an naq xnajto'k qik'in li tiikilal ut li kolb'a ib' moko nach' ta chik wank. Xqoyb'eni li saqenk, ut a' chik li aak'ab' wank arin; xqayo'oni b'eek sa' li saqenk, ut q'oqyink chik nokoonume'k wi'.

Isaías 8:22

chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Isaías 60:2

Il, li q'oqyink wank sa' li ruuchich'och' ut li aak'ab' namuheelank reheb' li tenamit, a'ut sa' aab'een taakutano'q li Qaawa' ut li xnimal xloq'al taak'utunq sa' aab'een.

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

Proverbios 4:19

A'ut li xyu'ameb' li ink'a' useb' xch'ool a'an chanchan li aak'ab': chi moko neke'xnaw b'ar xe'tichk'ok.

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Jeremías 23:12

Jo'kan naq tink'eheb' chi b'eek sa' li aak'ab' ut sa' li xiik', re naq te'tiikisiiq ut te't'ane'q. Tintaqla chaq junaq nimla rahilal sa' xb'eeneb' sa' xkutankil li raqok aatin -chan li Qaawa'-.

Jeremías 4:23

Kiwil li ruuchich'och' ut kink'e reetal naq maak'a' wank chiru; kin'ilok sa' choxa ut maak'a' saqenk chiru.

Salmos 44:19

Ink'a' xoosutq'iik chiqix re aakanab'ankil, chi moko xoo'elk ta sa' laab'e re aatz'eqtaanankil.

1 Samuel 6:5

Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

Éxodo 10:21

Kixye li Qaawa' re laj Moisés: “Ye' laawuq' sa' xjayal li choxa ut chiwanq xnimal aak'ab' sa' li tenamit Ejiipt, li taaruuq xch'e'b'al”.

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Lamentaciones 4:17

Xqayo'oni qatenq'ankil toj reetal ink'a' chik xqakuy. Xqoyb'eni jun tenamit chi qakolb'al, ab'an ink'a' xk'ulunk.

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Jeremías 8:15

Xqoyb'eni wank sa' tuqtuukilal, ut maajun usilal xqataw. Xqayo'oni li kawilal, ut a' li xiwak xchalk sa' qab'een.

Eclesiastés 11:8

Ab'anan us ta najtaq roq li qayu'am ut sahaq qach'ool chiruheb' li chihab' a'in, tento xjultikankil naq taachalq li aak'ab' sa' qab'een, ut naab'alaqeb' li aak'ab'il kutan. Ut chixjunil li chalk re sa' qab'een, maak'a' rajb'al.

Li xHu LAJ JOB 3:5

Li aak'ab' ut li mu chisutunq re, li choql chimuheelanq re ut chixib'esiiq xb'aan xmuhenkil rib'eb' li saq'e ut li po.

Salmos 107:10

Ke'wank chaq sa' li aak'ab' ut sa' li q'oqyink, chapchookeb' rik'in kareen ut rik'in ch'iich',

Salmos 107:14

kirisiheb' sa' li aak'ab' ut sa' li q'oqyink, ut kixt'upi li kareen b'ak'b'ookeb' wi'.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Jeremías 6:21

Jo'ka'in kixye we li Qaawa': “Tink'e xt'anleb'aal li tenamit a'in sa' li xb'e re naq te'tichk'oq ut te't'ane'q. Li na'b'ej yuwa'b'ej rochb'eeneb' li ralal xk'ajol, eb' li rechkab'al ut eb' li ramiiw, tik te'oso'q chixjunileb'”.

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

Ezequiel 21:15

K'ajo' naq te'xiwaq xb'aan li ch'iich', ut naab'aleb' li te'kamsiiq. Sa' li junjunq chi okeb'aal xinxaqab'eb' laj kamsinel chi ch'iich': nalemtz'unk ru li ch'iich' re naq replotq rilb'al, ut q'esnanb'il li re chi us, re kamsink.

Ezequiel 34:12

Jo' naq laj ilol ketomq naxk'e xch'ool chirixeb' li xketomq xe'xcha'cha'i rib'eb', jo'kan tinb'aanu laa'in reheb' linketomq; twisiheb' chaq sa' chixjunileb' li na'ajej xe'sachk wi' sa' jun rahil kutan ut aak'ab' ru.

Ezequiel 36:15

Ink'a' chik texhob'e'q xb'aaneb' laj ab'l tenamit chi moko texmajewaaq xb'aaneb' li wankeb' chesutam; ink'a' chik te'kamq li ralal xk'ajoleb' laj Israel. Laa'in, li Qaawa', xin'aatinak»”.

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Amós 5:18

Ra teek'ul laa'ex li nekeroyb'eni li xKutankil li Qaawa'. Ma nekenaw xyaalal chanru li kutan a'an? A'an jun aak'ab', ut maawa' kutan.

Salmos 29:2

Chenima li xloq'laj k'ab'a' li Qaawa' ut chehupub' eerib' rub'el roq sa' li xloq'laj na'aj.

Isaías 59:10

Yal xqamayu aj chik ru li tz'ak naq xoob'eek, chanchan tawi' naq ink'a' nokoo'ilok. Xootichk'ok chi b'eek sa' wa'leb' jo' tawi' sa' aak'ab' wanko; us ta kaweb' li qoq quq', xoowank kama'eb' li kamenaq.

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.