Jeremías 13:14 - Q'eqchi Bible

¹⁴ Chirix chik a'an tink'eheb' chi xteninkileb' rib' chirib'ileb' rib': li na'b'ej yuwa'b'ej rik'in li alal k'ajolb'ej, jo' naq najore'k junaq kuk. Ink'a' tintoq'ob'a ruheb', chi moko tinkuy xmaakeb' malaj twil xtoq'ob'aal ruheb' naq teb'insach»”, chan li Qaawa'.

Li Santil hu

¹⁴ Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Jeremías 13:14 ပူးပေါင်းရင်းမြစ်များ

Deuteronomio 29:20

Li Qaawa' moko taaraj ta xkuyb'al li xmaak, taajosq'o'q b'an ut taaraho'q xch'ool chirix li winq a'an; chixjunil li rahilal tz'iib'anb'il sa' li hu a'in taanaq sa' xb'een li winq a'an ut li Qaawa' tixsach li xk'ab'a' chi junajwa yalaq b'ar sa' ruuchich'och'.

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

Jeremías 21:7

Chirix chik a'an tinq'axtesi laj Sedesías, li awab'ej re Judá, sa' ruq' laj Nabukodonosor ut sa' ruq'eb' li neke'ajok xkamsinkil. A'aneb' te'choyoq xkamsinkileb' li te'kole'q sa' li tenamit chirix li raaxiik', li raxkamk ut li we'ej. Tink'eheb' chi kamsiik chi ch'iich', chi maak'a'aq toq'ob'ank u ut usilal cho'q reheb' -chan li Qaawa'-.

Jeremías 6:21

Jo'ka'in kixye we li Qaawa': “Tink'e xt'anleb'aal li tenamit a'in sa' li xb'e re naq te'tichk'oq ut te't'ane'q. Li na'b'ej yuwa'b'ej rochb'eeneb' li ralal xk'ajol, eb' li rechkab'al ut eb' li ramiiw, tik te'oso'q chixjunileb'”.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

San Marcos 13:12

Li asb'ej tixq'axtesi chi kamsiik li riitz'in; li yuwa'b'ej a' li ralal; eb' li alalb'ej te'waklije'q chi xkamsinkil xna' xyuwa'eb'.

San Mateo 10:21

“Li asb'ej tixq'axtesi chi kamsiik li riitz'in, li yuwa'b'ej a' li ralal; ut eb' li alalb'ej te'wakliiq chi xkamsinkil xna' xyuwa'.

Ezequiel 24:14

Laa'in, li Qaawa', xinye li waatin ut jo'kan taa'uxmanq. Ink'a' tinjal ru li waatin; ink'a' twil xtoq'ob'aal aawu chi moko taaraho'q linch'ool chawix. Jo' chanru laayehom ut laab'aanuhom, jo'kan ajwi' tinraqoq aatin sa' aab'een»”, chan li Qaawa'.

Ezequiel 9:10

Jo'kan naq laa'in ink'a' twil xtoq'ob'aal ruheb' chi moko tinkuy li xmaakeb'; anaqwan tinraq aatin sa' xb'eeneb' jo' chanru li xyehom ut xb'aanuhomeb'”, chan li Qaawa'.

Ezequiel 9:5

Chirix chik a'an kiwab'i naq li Qaawa' kixye reheb' li oob' chik winq: “B'eeniiq li tenamit chirix laj tz'iib' ut kamsinqex, chi maajun teeril xtoq'ob'aal ru chi moko teekuy xmaakeb'.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Ezequiel 7:9

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa', li yookin chi rahob'tesink eere.

Ezequiel 7:4

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa'.

Jeremías 48:12

“Ab'anan chalk re xkutankil naq laa'in tintaqlaheb' chaq laj jalonel xna'aj li b'iin: te'yamtesiiq xsa'eb' li kuk ut te'puk'iiq chi junwaakaj -chan li Qaawa'-.

Jeremías 47:3

Naq taa'ab'iiq xyaab' li roqeb' li kawaay ut tz'aapixikaq xyaab'eb' li xsuriil eb' li b'eleb'aal ch'iich', eb' li yuwa'b'ej ink'a' chik te'rileb' li xkok'al xb'aan naq maak'a'aq chik xmetz'eweb'.

Jeremías 16:5

Li Qaawa' kixye wi' chik we: “Mat-ok sa' junaq ochoch b'arwi' yo li yo'lenk kamenaq. Matyaab'ak chirixeb' li kamenaq chi moko taak'ojob' xch'ooleb', xb'aan naq sa' li tenamit a'in xwisi linrahom, lintuqtuukil usilal ut li wuxtaan -chan li Qaawa'-.

2 Crónicas 20:23

Eb' laj Amón ut eb' laj Mohab ke'ok chi yalok rik'ineb' li ke'chalk sa' li tzuul Seír, ut ke'xsach ruheb'. Ut naq ke'xchoy xkamsinkileb', ke'ok ajwi' chi xkamsinkileb' rib' chirib'ileb' rib'.

1 Samuel 14:16

Eb' laj k'aak'alenel re laj Saúl li wankeb' Kibehá re Benjamín ke'ril li xk'ihaleb' laj Filistea yookeb' chi elelik yalaq b'ar.

Li xHu LAJ JOB 27:22

Taachiq'chiq'iiq xb'aan, chi ink'a' taatoq'ob'aaq ru; chi moko taaruuq elelik chiru.

Jeremías 15:5

“Ani tawi' taa'iloq xtoq'ob'aal aawu, a Jerusalén? Ani tawi' taaraho'q xch'ool chawix malaj ani taaxaqliiq chi xk'eeb'al xsahil laach'ool?

Lamentaciones 2:21

Eb' li kok'al ut eb' li cheekel winq neke't'anaxinje'k chi ch'och'el; eb' linsaaj al ut eb' li tuq'ixq xe'kamsije'k chi q'esnal ch'iich'. K'ajo' xakamsiheb' sa' xkutankil laajosq'il, ut ink'a' xawil xtoq'ob'aal ruheb'!

Oseas 2:4

Ink'a' tintoq'ob'a ruheb' li ralal xk'ajol xb'aan naq ralaleb' li yumb'eetak.

Zacarías 11:6

Jo'kan naq laa'in ink'a' ajwi' twil xtoq'ob'aal ruheb' li xpoyanamil li tenamit a'in -chan li Qaawa'-. Tinq'axtesi li junjunq sa' ruq'eb' li xkomon ut sa' ruq'eb' li x'awab'ej. Ut naq taasache'q ru li na'ajej, laa'in maajun tinmaq' sa' ruq'eb'”.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 25:16

Naq te'ruk' li b'iin, te'xxa'wa rib' ut taakaano'q ruheb' xb'aan li raaxiik' tintaqla chaq sa' xb'eeneb'”.

Ezequiel 7:3

Xwulak xhonalil laasachik, a Israel. Ok we chi risinkil linjosq'il sa' aab'een; tinraqoq aatin chirix laayehom laab'aanuhom ut taatoj rix laatz'i'b'eetalil na'leb'.