Jeremías 12:8 - Q'eqchi Bible

⁸ Xb'aan naq lintenamit li jwal ninra xik' xinril jo' jun li kaqkoj sa' li k'iche'. Xe'xjap reheb' sa' inb'een; jo'kan naq xeb'intz'eqtaana.

Li Santil hu

⁸ Eb li sicꞌbileb ru inban nequeꞌxcuechꞌi cuix. Chanchaneb li cakcoj nak yo̱ chixjapbal re saꞌ qꞌuicheꞌ. Joꞌcan nak xicꞌ chic nacuileb.

Jeremías 12:8 ပူးပေါင်းရင်းမြစ်များ

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

Jeremías 51:38

Chixjunileb' laj Babilonia japaqeb' re jo'eb' li kaqkoj; te'tz'uyinq jo'kaqeb' li raleb' li kaqkoj.

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Ezequiel 23:18

Toja' naq kixk'ut rib' chi tz'aqal aj yumb'eet, maak'a' chik xxutaan chi xt'usub'ankil rib' chi kutankil, toj reetal naq laa'in ajwi' kinyib'ok xb'aan, jo' kink'ul xb'aan li xchaq'na'.

Miqueas 2:8

Laa'ex nekexnumtaak sa' xb'een lintenamit. Nekemaq' li xchaab'il aq'eb' li neke'sutq'iik chaq chi yalok chi saheb' sa' xch'ool.