Jeremías 12:7 - Q'eqchi Bible

⁷ “Xinkanab' li rochochil laj Israel ut xintz'eqtaana li weechanihom. Xinq'axtesi li jwal raaro inb'aan sa' ruq'eb' li xik' neke'ilok re.

Li Santil hu

⁷ La̱in xintzꞌekta̱naheb laj Israel. Xincanabeb xjunes li quinsicꞌ ruheb junxil. Xinkꞌaxtesiheb li tenamit li ninra saꞌ rukꞌeb li xicꞌ nequeꞌiloc reheb.

Jeremías 12:7 ပူးပေါင်းရင်းမြစ်များ

Isaías 2:6

At Qaawa', xatz'eqtaana laatenamit, a'aneb' li ralal xk'ajol laj Jakob, xb'aan naq k'ajo'eb' laj q'e ut eb' laj nawal sa' xyanqeb'; neke'xb'aanu jo'eb' laj Filistea ut neke'xk'am rib' sa' usilal rik'ineb' laj ab'l tenamit.

Jeremías 11:15

“K'aru naxsik' sa' li wochoch li xsum waanm, naq naab'al li maa'usilal ak xb'aanu? Ma tatkole'q chiru li rahilal naq nakak'oxla rik'in xmayejankil li tib' ut li xxeeb'? Ma taak'ojlaaq laach'ool rik'in a'an, a Israel?”.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Joel 2:15

Yaab'asihomaq li pur aran Sión, ch'utub'omaq li tenamit ut yehomaq resil li ayuunik.

Ezequiel 24:21

«Ye reheb' laj Israel: Li Qaawa' xye chi jo'ka'in: Ok we chi xsachb'al xwankil li wochoch, li q'axal nawulak cheru ut jwal nekera, a'an li xsahilal ut li xkawilal leech'ool. Te'kamq ajwi' leeralal eek'ajol li kekanab' chaq Jerusalén: te'kamsiiq chi ch'iich'.

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.

Jeremías 7:29

At Jerusalén, set li rismal laajolom ut kut chi najt. Ayu chi yaab'ak sa' xb'eeneb' li t'ojoch aj b'ool. Xb'aan naq li Qaawa' yo xjosq'il rik'ineb' laakomonil; xtz'eqtaanaheb' ut xkanab'eb' xjunes chi junajwa.

Jeremías 7:14

Jo'kan naq li ochoch a'in li nanimaak wi' link'ab'a', li kaw wi' leech'ool ut ink'ehom eere jo' ajwi' reheb' leena' leeyuwa', tinkanab' jo' kinkanab' li wochoch aran Siló.

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Jeremías 23:33

“At Jeremías, wi junaq propeet, junaq aj tij malaj ani chik reheb' li tenamit te'xpatz' aawe: «K'aru li qachaq'rab'inkil xb'aan li Qaawa', k'aru li iiq xk'ehom sa' qab'een?», cha'aq, taaye reheb': «Li Qaawa' xye naq laa'ex li iiq! Tz'eqtaananb'ilex chik anaqwan», cha'qat.

Jeremías 23:39

laa'in texintz'eq chirix linch'ool ut texwisi sa' xnaq' wu, laa'ex jo'wi' li tenamit ink'ehom eere ut cho'q reheb' leena' leeyuwa'.

Oseas 11:1

“Naq toj saaj chaq laj Israel, q'axal kinra, ut toj Ejiipt kinb'oq chaq li walal.

Deuteronomio 33:12

Cho'q re laj Benjamín kixye: “At xrahom li Qaawa', hilan chi xk'atq A'an chi maak'a'aq aaxiw. Li Nimajwal taamuheelanq aawe chi junelik; rub'el xrahom li Yos wanqat chi junelik”, chan laj Moisés.

2 Reyes 21:14

Tintz'eqtaana xkomoneb' lintenamit ut tinq'axtesiheb' sa' ruq'eb' li xik' neke'ilok reheb'. Te'chape'q ut te'eechaniiq xb'aaneb' chixjunil li xik' neke'ilok reheb',

Salmos 78:62

Kichalk xjosq'il sa' xb'een li tenamit sik'b'il ru xb'aan, ut kixk'eheb' chi kamsiik xb'aaneb' laj xik'il uuchineleb'.

Salmos 106:40

Toja' naq kijosq'o'k li Qaawa' sa' xb'een li xtenamit: k'ajo' naq kixtz'eqtaana li sik'b'ileb' ru xb'aan.

Jeremías 22:5

Ab'anan, wi' ink'a' nekepaab' leeq'usb'al inb'aan, li xchaq'alil ru ochoch a'in po'lem taakanaaq wi'»”, chan li Qaawa'.