Jeremías 12:14 - Q'eqchi Bible

¹⁴ Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Li Santil hu

¹⁴ Aꞌan aꞌin li naxye li Ka̱cuaꞌ chirixeb li jalaneb xtenamit li incꞌaꞌ useb xnaꞌleb li cuanqueb chi nachꞌ riqꞌuineb laj Israel. Aꞌaneb li queꞌpoꞌoc ru lix tenamiteb laj Israel. —Eb li tenamit aꞌan teꞌcuisi saꞌ lix naꞌajeb ut tincuisiheb ajcuiꞌ li ralal xcꞌajol laj Judá saꞌ xya̱nkeb.

Jeremías 12:14 ပူးပေါင်းရင်းမြစ်များ

Zacarías 2:8

Xb'aan naq jo'ka'in naxye li Nimajwal Yos li xtaqlank chaq we chi xyeeb'al reheb' li xe'rahob'tesink eere: “Ani taarahob'tesinq eere, tinxrahob'tesi ajwi' laa'in”.

Jeremías 3:18

“Chiruheb' li kutan a'an eb' laj Israel ut eb' laj Judá te'wanq chik sa' junajil, ut sa' wiib'al chik te'chalq sa'eb' li na'ajej wankeb' chaq sa' xjayal releb'l iq' ut tole'okaq sa' li ch'och' ink'ehom chi reechani eb' leexe'toonil yuwa'.

Jeremías 49:7

Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

Jeremías 2:3

Xsantil tenamit li Qaawa' naq kexwank chiwu, ex aj Israel, chanchanex li xb'een ru li awimq cho'q we. Jo'kan naq chixjunileb' li ke'rahob'tesink eere, laa'in kintaqla li rahilal sa' xb'eeneb'”, chan li Qaawa'.

Salmos 106:47

At Qaawa', at qaNimajwal Yos, choohaakol taxaq! Choohaawisi sa' xyanqeb' chixjunil li poyanam ut choohaach'utub', re naq tooyoxinq chawu ut tqanima laaloq'al!

Deuteronomio 30:3

toja' naq li Qaawa' laaYos tatrosob'tesi wi' chik, taaril xtoq'ob'aal aawu, tatrisi chaq sa' chixjunileb' li tenamit xatxcha'cha'i wi' ut tatxch'utub' wi' chik.

Zacarías 1:15

Jo'kan naq makach'in injosq'il sa' xb'eeneb' li tenamit a'an li maak'a' neke'xk'oxla, xb'aan naq k'ajo' chik li maa'usilal xe'xb'aanu re lintenamit naq yo b'a'b'ay injosq'il.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Ezequiel 37:21

ut ye reheb': «Jo'ka'in xye li Qaawa': Ok we chi risinkileb' chaq laj Israel sa' xyanqeb' li tenamit koxe'na'ajunq wi'; tinch'utub'eb' yalaq b'ar ut tink'ameb' chaq wi' chik sa' li xna'ajeb'.

Ezequiel 36:24

Laa'in texinch'utub', texwisi chaq sa'eb' li junjunq chi na'ajej ut tenamit, ut texink'am chaq wi' chik sa' leech'och'.

Ezequiel 28:25

“Laa'in, li Qaawa', ninye chi jo'ka'in: Tinch'utub' li tenamit Israel sa' xyanqeb' li tenamit cha'chookeb' wi', ut tink'ut linsantilal chiruheb'. Eb' li ralal xk'ajol aj Israel te'na'ajunq sa' li xna'ajeb', sa' li ch'och' kink'e re laj Jakob, laj k'anjel chiwu.

Jeremías 48:1

Jo'ka'in kixye li Nimajwal Yos, li xYos laj Israel, chirixeb' laj Mohab: “Toq'ob' xaq ru li tenamit Nebo naq juk'ulk aj chik. Xsache'k xwankil ut x'eechaniik Kiriatáhin. Xutaanal xkanaak li kawub'resinb'il tenamit naq xjuk'e'k.

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Salmos 105:15

“Meech'e' li sik'b'ileb' ru inb'aan, mik'a' eeb'aanu reheb' linpropeet”, chan.

Deuteronomio 28:63

Jo' chanru naq li Qaawa' xsaho'k xch'ool cherusilankil ut chetamresinkil, kama' a'an ajwi' naq taasaho'q xch'ool chetz'eqtaanankil ut eesachb'al. Tex'isiiq chaq sa' li ch'och' ok eere chi reechaninkil.

Jeremías 48:47

Ab'anan laa'in, sa' roso'jikeb' li kutan, tink'ameb' chaq wi' chik eb' laj Mohab sa' li xna'ajeb'”, chan li Qaawa'. Arin xraqe'k resilal li rahilal te'xk'ul eb' laj Mohab.

Jeremías 49:1

Jo'ka'in kixye li Qaawa' chirixeb' laj Amón: “Ma maak'a'eb' tab'i' ralal xk'ajoleb' laj Israel? Ma maajun taa'eechaninq re li xna'ajeb'? K'a' put naq li yos Mikón chik x'eechanink re Gad ut eb' laj Amón xe'kanaak sa'eb' li xtenamiteb'?

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Ezequiel 28:26

Aran te'wanq chi maak'a'aq chik xk'a'uxeb' ut xch'i'ch'i'inkileb'; te'kab'laq ut te'awq uub'. Sa chik te'wanq naq tinraq aatin sa' xb'eeneb' chixjunileb' li tenamit wankeb' chi xsutam ut neke'tz'eqtaanank reheb'. Toja' naq taanawmanq naq laa'in li Qaawa', li xYos laj Israel”.

Ezequiel 36:5

Jo'ka'in xye li Qaawa': Sa' xxamlel injosq'il twaatinaheb' li tenamit junch'ol, ut q'axal wi' chik rik'ineb' laj Edom, xb'aan naq chi k'ajo' xsahilaleb' xch'ool xe'reechani linna'aj ut xe'relq'a chixjunil li k'a'aq re ru wank chisa'».