Jeremías 11:4 - Q'eqchi Bible

⁴ A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Li Santil hu

⁴ Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

Jeremías 11:4 ပူးပေါင်းရင်းမြစ်များ

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Levítico 26:12

tinwanq sa' eeyanq, ut laa'inaq leeYos ut laa'exaq intenamit.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.

Jeremías 24:7

Tink'e xna'leb'eb' re naq te'xnaw naq laa'in li Qaawa': a'anaqeb' lintenamit ut laa'inaq li xYoseb', xb'aan naq te'sutq'iiq chaq wik'in chi anchaleb' xch'ool.

1 Reyes 8:51

Xb'aan naq a'aneb' aatenamit ut aaweechanihom. Laa'at kat-isink chaq reheb' aran Ejiipt, sa' li tenamit ke'xk'ul wi' chaq k'iila rahilal.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Ezequiel 37:23

Ink'a' chik te'xmux rib'eb' rik'in xloq'oninkil ru eb' li jalanil yos, jo' ajwi' rik'in xb'aanunkil li tz'i'b'eetal ut li maa'usilal. Teb'inkol chiru li q'etb'a aatin xe'maakob'k wi' ut tinch'ajob'resiheb' chiru chixjunileb' li maak: a'anaqeb' lintenamit ut laa'inaq li xYoseb'.

Ezequiel 36:28

Texwanq sa' li ch'och' ink'ehom reheb' leena' leeyuwa'. Laa'exaq lintenamit ut laa'inaq leeYos.

Ezequiel 14:11

Chi jo'kan eb' laj Israel ink'a' chik te'xnajtob'resi rib' wik'in chi moko te'xmux ta chik rib' rik'in chixjunil li xmaakeb'. A'anaqeb' lintenamit ut laa'inaq li xYoseb'”, chan li Qaawa'.

Ezequiel 11:20

re naq te'wanq jo' naxye linchaq'rab', te'xpaab' li waatin ut te'xyu'ami. Chi jo'kan a'anaqeb' lintenamit ut laa'inaq li xYoseb'.

Jeremías 26:13

Chaab'ilob'resiiq leeyu'am ut leeyehom eeb'aanuhom, paab'omaq li Qaawa' leeYos, ut A'an ink'a' tixtaqla chaq li rahilal sa' eeb'een jo' xineerab'i chi xyeeb'al.

Deuteronomio 11:27

Osob'tesiik wi teepaab' li xchaq'rab' li Qaawa' leeYos li xexinchaq'rab'i wi' anaqwan.

Levítico 26:3

“Wi texwanq jo' chanru naxye li waatin, wi teepaab' linchaq'rab' ut teek'anjela ru,

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Hebreos 5:9

Ut naq koxtaw li xtz'aqalil re ru, kikanaak cho'q xyo'leb'aal li kolb'a ib' cho'q reheb' chixjunil li neke'paab'ank re,

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Zacarías 6:15

Te'chalq li wankeb' chaq chi najt, ut tole'okenq chi xyiib'ankil wi' chik li rochoch li Qaawa'. Toja' naq te'xnaw naq a' li Nimajwal Yos xtaqlank chaq we eerik'in. Jo'ka'an taak'ulmanq wi relik chi yaal naq teepaab' li raatin li Qaawa' leeYos”.

Ezequiel 37:27

Sa' xyanqeb' taawanq linmuheb'aal; laa'inaq li xYoseb' ut a'anaqeb' lintenamit.

Jeremías 32:28

Jo'kan naq ninye aawe: Tink'e li tenamit a'in sa' ruq' laj Nabukodonosor, li awab'ej re Babilonia, ut sa' ruq'eb' laj Kaldeha.

Isaías 48:10

K'e reetal naq xatinch'ajob'resi; ab'anan moko jo' ta na'uxk re li plaat, xinyal b'an aawix rik'in li rahilal.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Éxodo 20:6

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

Isaías 30:6

Resilal li k'aru te'xk'ul eb' li xul re Nejeb: Eb' laj Israel neke'xk'am Ejiipt li xb'ihomaleb' ut li k'aru wank reheb', chirixeb' li b'uur ut eb' li kameey. Neke'nume'k sa' li xiwajelil chaqich'och' b'arwi' wankeb' li josq' aj kaqkoj, eb' li ikb'olay ut eb' li raxk'aj, ut neke'xik sa' jun tenamit li moko tixtenq'aheb' ta.

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Jeremías 38:20

Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Daniel 3:26

Toja' naq laj Nabukodonosor kijilok chire li xam li k'ajo' xtiqwal ut kixye: “Sidrak, Misak ut Abdénago, aj k'anjelex chiru li Nimajwal Yos, elenqex chaq ut kimqex arin”. Ut eb' a'an ke'elk chaq sa' li xam.

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

2 Reyes 18:6

Kixk'ojob' xch'ool rik'in li Qaawa' ut maajun wa kirisi rib' rik'in. Kixpaab' li xchaq'rab' li Qaawa' xk'ehom re laj Moisés.