Jeremías 11:21 - Q'eqchi Bible

²¹ Jo'ka'in li Nimajwal Yos kiraqok aatin chirixeb' laj Anatot li ke'raj inkamsinkil rik'in xyeeb'al: “Mat-aatinak sa' xk'ab'a' li Qaawa', re naq ink'a' tatqakamsi”, chankeb'.

Li Santil hu

²¹ Aꞌut eb li cui̱nk li cuanqueb Anatot li queꞌraj incamsinquil, queꞌxye cue nak incꞌaꞌ chic tina̱tinak saꞌ xcꞌabaꞌ li Ka̱cuaꞌ re nak incꞌaꞌ tineꞌxcamsi, chan laj Jeremías.

Jeremías 11:21 ပူးပေါင်းရင်းမြစ်များ

Amós 2:12

“A'ut laa'ex xekaltesiheb' laj nasireo ut xeq'useb' li propeet naq ink'a' te'aatinaq sa' ink'ab'a'.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Isaías 30:10

Neke'xye reheb' li neke'ilok moy u: “Mat-ilok chik moy u”; ut neke'xye reheb' li propeet: “Maaye li yaal qe, ye b'an li q'axal sa rab'inkil, us ta moko yaal.

San Lucas 4:24

Kixye ajwi': —Relik chi yaal ninye eere naq maajun propeet nak'ule'k chi chaab'il sa' li xtenamit.

San Mateo 22:6

ut eb' li junch'ol chik ke'xchapeb' li xmoos li awab'ej, ke'xhob'eb' ut ke'xkamsiheb'.

San Mateo 21:35

A'ut eb' laj k'alom ke'xchapeb' li moosej: ke'xteni li jun, li jun ke'xkamsi, ut li jun chik ke'xkuti chi pek.

San Mateo 10:21

“Li asb'ej tixq'axtesi chi kamsiik li riitz'in, li yuwa'b'ej a' li ralal; ut eb' li alalb'ej te'wakliiq chi xkamsinkil xna' xyuwa'.

Miqueas 7:6

Xb'aan naq anaqwan li alalb'ej naxtz'eqtaana li yuwa'b'ej, li ko'b'ej naxq'etq'eti rib' chiru li xna', li alib'ej xik' naril li xna' li xb'eelom, ut eb' li xik' neke'ilok, sa' ajwi' leerochoch wankeb'.

Jeremías 26:8

Ab'anan naq kiraqe'k laj Jeremías chi xyeeb'al chixjunil li xchaq'rab'iik wi' xb'aan li Qaawa', kichape'k xb'aaneb' laj tij, eb' li propeet ut xb'aaneb' chixjunil li tenamit, ut kiyehe'k re: “Relik chi yaal naq tatkamq.

Jeremías 1:1

A'an a'in resil li xyehom xb'aanuhom laj Jeremías, ralal laj Jilkías, xkomoneb' laj tij li ke'wank sa' li tenamit Anatot, sa' xteepaleb' laj Benjamín.

Jeremías 32:7

«K'e reetal naq laj Janamel, ralal laj Salún, laawikan, chalk re chi xyeeb'al aawe: Loq' linna'aj li wank Anatot, xb'aan naq laa'at li wech'alal ut aak'ulub' xloq'b'al».

Jeremías 34:20

ut tinq'axtesiheb' sa' ruq'eb' li xik' neke'ilok reheb' ut te'ajoq xkamsinkileb'. Chikanaaq li xtib'eleb' cho'q xtib' eb' li so'sol ut eb' li k'iche'il xul.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.