Jeremías 11:17 - Q'eqchi Bible

¹⁷ Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Li Santil hu

¹⁷ La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Jeremías 11:17 ပူးပေါင်းရင်းမြစ်များ

Isaías 5:2

Kixpiki li ch'och', kirisiheb' li pek chisa' ut kiraw li iyaj jwal chaab'il. Sa' xyi li rawimq kixkab'la jun najt xteramil ochoch ut kixyiib' jun xna'aj re xyatz'b'al li uub'. Li wamiiw kiroyb'eni li uub' q'axal ki', ab'anan junes ra re li uub' kiruuchin.

Jeremías 12:2

Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Ezequiel 17:5

Kixxok ajwi' jun li iyaj sa' li tenamit a'an ut koxraw sa' chaab'il ch'och', chire jun li nima' b'arwi' naab'al li ha'.

Jeremías 45:4

Ab'an li Qaawa' xye li aatin a'in chawix ut xinxtaqla chaq chi xnumsinkil aawe: «Laa'in tinjuk' li k'aru xinkab'la, ut tinmich' li xwaw; ut a'in tinb'aanu re chixjunil li ruuchich'och'.

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Jeremías 40:2

Li xjolomileb' laj k'aak'alenel kirisi xjunes laj Jeremías ut kixye re: “Li Qaawa' laaYos ak xyehom resil li rahilal a'in sa' xb'een li na'ajej a'in,

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jeremías 35:17

«Jo'kan utan laa'in, li Nimajwal Yos, li xYos laj Israel, ninye chi jo'ka'in: Tintaqla chaq sa' xb'eeneb' laj Judá ut eb' laj Jerusalén chixjunil li rahilal inyehom chaq resil, xb'aan naq xe'waatina ut ink'a' xine'xpaab', xinb'oqeb' ut ink'a' xine'xsume»”.

Jeremías 26:19

“Ma kikamsiik tab'i' laj Mikeas xb'aan laj Esekías, awab'ej re Judá, ut xb'aaneb' chixjunileb' laj Judá? Ink'a'. Li awab'ej kixxiwa ru li Qaawa' ut kixtz'aama xkuyb'aleb' li xmaak. Ut li Qaawa' ink'a' chik kixtaqla chaq li rahilal sa' xb'eeneb' jo' kixk'uub' xb'enwa. A'ut laa'o, wi tqakamsi laj Jeremías, tqateneb' jun nimla maak sa' qab'een”, chankeb'.

Jeremías 26:13

Chaab'ilob'resiiq leeyu'am ut leeyehom eeb'aanuhom, paab'omaq li Qaawa' leeYos, ut A'an ink'a' tixtaqla chaq li rahilal sa' eeb'een jo' xineerab'i chi xyeeb'al.

Jeremías 24:6

Twileb' chi chaab'il, tink'ameb' chaq wi' chik sa' li xch'och'eb' ut tink'eheb' chi wakliik re naq ink'a' chik te'juk'e'q li xwankil; te'k'ojlaaq wi' chik sa' li xtenamiteb' ut ink'a' chik twisiheb' chisa'.

Jeremías 18:8

Ab'anan wi li tenamit a'an naxkanab' xb'aanunkil li maa'usilal, laa'in ink'a' chik tinrahob'tesi jo' k'uub'k'u inb'aan.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Salmos 80:15

At qaNimajwal Yos, sutq'isi chaq aawib', choohaawil chaq toj sa' choxa, chak'e reetal, chulaawil laawawimq

Salmos 80:8

At qaNimajwal Yos, choohaawaklesi wi' chik, choohaawil rik'in xnimal laawusilal, ut tookole'q!

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

2 Samuel 7:10

Tink'e xch'och'eb' laj Israel lintenamit ut tink'eheb' chi hilank aran, re naq sa te'wanq chi maak'a'aqeb' xxiw ut ink'a' chik te'rahob'tesiiq xb'aaneb' li ink'a' useb' xna'leb' kama' junxil

Jeremías 1:14

Toja' naq li Qaawa' kixye we: “Relik chi yaal naq sa' xjayal releb'l iq' taachalq li rahilal sa' xb'een chixjunil li tenamit a'in.

Jeremías 7:18

Eb' li alal k'ajolb'ej neke'k'amok chaq li si', eb' li yuwa'b'ej neke'tz'ab'ok li xam ut eb' li ixaqilb'ej neke'k'uub'ank re li k'uluj re xmayejankil chiru li jalanil yos, a' li xNa' li choxa neke'xye re. Neke'xchiq' ajwi' injosq'il naq neke'uk'ak sa' xk'ab'a'eb' li jalanil yos.

Jeremías 11:13

K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Jeremías 32:29

Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Jeremías 32:30

Chalen chaq sa' xtiklajik, eb' laj Israel jo'wi' eb' laj Judá junes maa'usilal neke'xb'aanu; eb' li ralal xk'ajol laj Israel junes xyoob'ankil injosq'il neke'xb'aanu rik'in xyiib'ankil li xjalanil yoseb' -chan li Qaawa'-.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

2 Crónicas 28:25

Kixyiib'atq ajwi' tijob'aal sa'eb' li b'ool sa' chixjunil xteepal Judá, re mayejak k'ajpom chiruheb' li jalanil yos, ut chi jo'kan kixchiq' xjosq'il li Qaawa', xYos eb' li xxe'toonil yuwa'.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Jeremías 40:3

ut xb'aanu ajwi' jo' chanru xye. Ut a'in xk'ulmank xb'aan naq xexmaakob'k chiru li Qaawa' ut ink'a' xepaab' li raatin.

Jeremías 44:5

Ab'anan ink'a' kineepaab' chi moko keraj wab'inkil; ink'a' kekanab' leemaa'usilal, tik kex'ok b'an chik chi mayejank k'ajpom chiruheb' li jalanil yos.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.