Jeremías 11:13 - Q'eqchi Bible

¹³ K'ajo' xyoseb' laj Judá jo' xk'ihaleb' li xtenamit; ut li xk'ihal li x'artaleb' laj Jerusalén re k'atok k'ajpom chiruheb' laj Bahal, kama' li xk'ihaleb' li b'e wank aran.

Li Santil hu

¹³ La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Jeremías 11:13 ပူးပေါင်းရင်းမြစ်များ

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.

2 Reyes 23:13

Li awab'ej kixmux ajwi' eb' li tijob'aal li wankeb' chi tzuul chiru Jerusalén, sa' xjayal rokeb'l iq' re li tzuul Oliiw, li ke'yiib'aak xb'aan laj Salomón, awab'ej re Israel, sa' xk'ab'a' lix Astarté, xyoseb' laj Sidón, sa' xk'ab'a' laj Kemós, xyoseb' laj Mohab, ut sa' xk'ab'a' laj Milkón, xyoseb' laj Amón.

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Jeremías 32:35

Xe'xyiib'atq ajwi' x'artal laj Bahal sa' xtaq'ahil Ben-Hinón, re xk'atb'al li ralal xk'ajoleb' cho'q xmayejeb' chiru laj Molok. Chi jo'kan xe'xk'e chi maakob'k eb' laj Judá, li maajun wa inyehom reheb' chi moko xnume'k b'ayaq sa' inch'ool naq jo'kan te'xb'aanu.

Jeremías 19:5

Xe'xyiib'atq li tijob'aal cho'q re laj Bahal re xk'atb'aleb' li ralal xk'ajoleb' cho'q mayej sa' xk'ab'a' laj Bahal, ut laa'in ink'a' xintaqlaheb' xb'aanunkil li na'leb' a'in, ink'a' inyehom reheb' chi moko ink'oxlahom kach'inaq.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Jeremías 3:24

Li xloq'oninkil li jalanil yos xsachok re li k'aru reheb' li qana' qayuwa' chalen chaq sa' li qasaajilal: eb' li qakarneer, li qawakax ut eb' li qalal qak'ajol.

Isaías 2:8

Xnujak ajwi' li xna'ajeb' chi jalanil yos, ut eb' li poyanam neke'xloq'oni ru li jalam u xe'xpak' rik'in ruq'eb'.

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Jeremías 19:4

Xb'aan naq xine'xtz'eqtaana eb' laj Israel ut xe'xsach xwankil li na'ajej a'in, naq xe'mayejak k'ajpom chiruheb' li jalanil yos, li ink'a' xnawom ruheb' a'an chi moko eb' li xmama' rixa'aneb', chi moko eb' li awab'ej re Judá. Ut naab'aleb' li maak'a'eb' xmaak xe'xkamsi arin.

Jeremías 44:21

“Ma ink'a' tab'i' naxnaw li Qaawa' malaj naxk'e reetal naq laa'ex jo'wi' eb' leena' leeyuwa', eb' li awab'ej, eb' li xjolomileb' li tenamit ut chixjunileb' li wankeb' sa' li ruuchich'och', xexyeechi'ink k'ajpom chiruheb' li jalanil yos sa'eb' li tenamit re Judá ut sa'atqeb' li b'e re Jerusalén?

Jeremías 48:35

“Tinram chiruheb' laj Mohab li xik chi tzuul chi mayejak ut chi k'atok pom chiruheb' li jalanil yos”, chan li Qaawa'.

Ezequiel 16:24

kayiib'atq ajwi' aatijob'aal sa' chixjunileb' li k'ayiil re xloq'oninkil li jalanil yos.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

2 Crónicas 28:25

Kixyiib'atq ajwi' tijob'aal sa'eb' li b'ool sa' chixjunil xteepal Judá, re mayejak k'ajpom chiruheb' li jalanil yos, ut chi jo'kan kixchiq' xjosq'il li Qaawa', xYos eb' li xxe'toonil yuwa'.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Jeremías 17:1

“Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Jeremías 18:15

Ab'an lintenamit xinxtz'eq chirix li xch'ool, ut namayejak chik k'ajpom chiruheb' li jalanil yos. Xe'tichk'ok ut xe'xkanab' li chaab'il b'e ink'utum chiruheb' junxil, ut a' chik li ink'a' usil b'e ke'ok xtaaqenkil li ink'a' xnawomeb' ru.

Jeremías 44:5

Ab'anan ink'a' kineepaab' chi moko keraj wab'inkil; ink'a' kekanab' leemaa'usilal, tik kex'ok b'an chik chi mayejank k'ajpom chiruheb' li jalanil yos.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.