Jeremías 11:11 - Q'eqchi Bible

¹¹ Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Li Santil hu

¹¹ Joꞌcan nak la̱in tinqꞌue li raylal saꞌ xbe̱neb ut incꞌaꞌ chic ta̱ru̱k teꞌxcol ribeb chiru. Usta nequeꞌya̱bac chixtzꞌa̱manquil xtenkꞌanquileb, abanan la̱in incꞌaꞌ tincuabi lix tijeb.

Jeremías 11:11 ပူးပေါင်းရင်းမြစ်များ

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Isaías 1:15

Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Proverbios 1:28

“Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Miqueas 3:4

Jo'kan wi teeyaab'a xk'ab'a' li Qaawa', A'an ink'a' texxsume chaq. Chiruheb' li kutan a'an tixmuq rib' cheru xb'aan li maa'usilal xeb'aanu”.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

2 Reyes 22:16

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin, jo' tz'iib'anb'il sa' li hu xyaab'asimank xsa' xb'aan li awab'ej re Judá,

Jeremías 11:17

Li Nimajwal Yos, li ki'awok aawe, kixteneb' jun nimla rahilal sa' aab'een, xb'aan li xmaa'usilaleb' laj Israel ut eb' laj Judá: ke'xchiq' xjosq'il xb'aan naq ke'mayejak k'ajpom chiruheb' laj Bahal.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Isaías 24:17

Li xiwak, li jul ut li ra'al na'oyb'enink eere laa'ex li wankex sa' ruuchich'och'.

Salmos 18:41

xak'eheb' chi elelik li xik' neke'ilok we, ut xinjuk'eb' jo'k'ihaleb' li neke'tz'eqtaanank we.

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

Ezequiel 7:5

“Laa'in li Qaawa' ninye chi jo'ka'in: Chalk re jun nimla rahilal, naab'al li rahilal taachalq sa' aab'een.

Jeremías 36:31

Tatink'e chi xtojb'al rix laamaak; jo'kan ajwi' te'xk'ul eb' laawalal aak'ajol ut eb' laj jolominel tenamit. Tintaqla chaq sa' eeb'een, sa' xb'eeneb' laj Jerusalén jo'wi' sa' xb'eeneb' li wankeb' sa' xteepal Judá, chixjunil li rahilal li xinye resil eere chi ink'a' xineepaab'»”.

Jeremías 35:17

«Jo'kan utan laa'in, li Nimajwal Yos, li xYos laj Israel, ninye chi jo'ka'in: Tintaqla chaq sa' xb'eeneb' laj Judá ut eb' laj Jerusalén chixjunil li rahilal inyehom chaq resil, xb'aan naq xe'waatina ut ink'a' xine'xpaab', xinb'oqeb' ut ink'a' xine'xsume»”.

Jeremías 23:12

Jo'kan naq tink'eheb' chi b'eek sa' li aak'ab' ut sa' li xiik', re naq te'tiikisiiq ut te't'ane'q. Tintaqla chaq junaq nimla rahilal sa' xb'eeneb' sa' xkutankil li raqok aatin -chan li Qaawa'-.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 19:3

Taaye reheb': «Ab'ihomaq li raatin li Qaawa', ex awab'ej re Judá jo'wi' laa'ex li wankex Jerusalén. Li Nimajwal Yos, li xYos laj Israel, xye chi jo'ka'in: Nimla rahilal li tintaqla sa' xb'een li na'ajej a'in, toj reetal taaraho'q sa' xxikeb' li te'ab'inq re.

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Salmos 66:18

Wi ta wank li maa'usilal sa' li waanm, ink'a' raj xinrab'i li Qaawa'.

2 Crónicas 34:24

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin. Tintaqla chaq chixjunileb' li majewal tz'iib'anb'ileb' sa' li hu xyaab'asimank xsa' chiru li awab'ej re Judá,

Li xHu LAJ JOB 35:13

Li Nimajwal Yos ink'a' narab'i li xtijeb', xb'aan naq a'an memil tijok.

Jeremías 14:2

“Judá yo chi yaab'ak xb'aan xrahil xch'ool; yookeb' li kamk eb' li xtenamit ut neke't'anaxink li poyanam chiru ch'och'. Japjo re Jerusalén xb'aan li rahilal.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

Jeremías 25:35

Eb' laj k'amol xb'e li tenamit ink'a' te'kole'q, eb' laj jolominel ink'a' te'ruuq chi elelik.

Lamentaciones 2:22

At Qaawa', yalaq b'ar xab'oqeb' chaq li rahilal, xe'chalje'k li ch'a'ajkilal chanchaneb' li b'oqb'ileb' chaq sa' junaq ninq'e. Sa' xkutankil li xjosq'il li Qaawa' maajun x'elelik chi moko xkole'k li xyu'am: eb' li xink'iiresiheb' ut li xinch'oolaniheb' xe'kamsije'k xb'aaneb' li xik' neke'ilok we.

Ezequiel 14:3

“At kaamel winq, eb' li winq a'in xe'xq'axtesi rib' chi xloq'oninkileb' li jalanil yos, ut k'ojk'o xch'ooleb' chirix li nak'amok reheb' chi maakob'k. Ma tinkanab' wib' naq tinpatz'e'q chirix li k'aru te'xb'aanu?