Jeremías 11:10 - Q'eqchi Bible

¹⁰ Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Li Santil hu

¹⁰ Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Jeremías 11:10 ပူးပေါင်းရင်းမြစ်များ

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Ezequiel 16:59

«Laa'in, li Qaawa', ninye chi jo'ka'in: Tinb'aanu aawe li xab'aanu laa'at: kaq'et linsumwank ut katz'eqtaana li jurament.

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Jueces 2:17

Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.

Salmos 78:57

Ke'xq'et li raatin, tik ke'sachk, ke'xb'aanu wi' chik jo' ke'xb'aanu li xna' xyuwa'eb' junxil, chanchaneb' li xna' simaj li ink'a' tiik najayalink.

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Levítico 26:15

wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Zacarías 1:4

Meeb'aanu jo' ke'xb'aanu eb' leemama' leerixa'an, li ke'aatinaak xb'aaneb' li propeet li ke'wank junxil, re raj naq te'xkanab' xb'aanunkil li maa'usilal ut li yib' aj na'leb'; ab'an ink'a' ke'raj wab'inkil chi moko inpaab'ankil -chan li Nimajwal Yos-.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Oseas 6:4

“K'aru tinb'aanu aawe, a Efraín? K'aru tinb'aanu aawe, a Judá? Linraab'al nekeye, a'an jo' li choql toj eq'la, jo' li xchu'ke li sa' junpaat nanume'k xb'aan li iq'.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jueces 2:11

Eb' laj Israel ke'xb'aanu li k'aru ink'a' nawulak chiru li Qaawa': ke'ok chi xloq'oninkileb' laj Bahal.

Jeremías 7:28

Ye reheb' chi jo'ka'in: «A'an a'in li tenamit li ink'a' xraj xpaab'ankil raatin li Qaawa' li xYos, chi moko xraj q'use'k. Maak'a' chik li tiikilal ut li yaal rik'ineb'; x'oso'k chi junwaakaj»”.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Jeremías 17:23

A'ut eb' a'an ink'a' kine'xpaab' chi moko ke'raj wab'inkil, ke'xjipi b'an chik rib' re naq ink'a' kine'xpaab' chi moko ke'raj q'use'k.

Jeremías 44:5

Ab'anan ink'a' kineepaab' chi moko keraj wab'inkil; ink'a' kekanab' leemaa'usilal, tik kex'ok b'an chik chi mayejank k'ajpom chiruheb' li jalanil yos.

Jeremías 44:16

“Ink'a' tqapaab' li k'aru xaye qe sa' xk'ab'a' li Qaawa',

Ezequiel 5:6

A'ut eb' a'an ke'xtz'eqtaana linchaq'rab' ut eb' li waatin, ut q'axal yib' wi' chik ru li xb'aanuhomeb' chiruheb' li tenamit wankeb' chi xsutam. Ink'a' ke'xpaab' li waatin chi moko ke'wank jo' naxye linchaq'rab'.

Zacarías 7:11

Ab'an eb' li tenamit ink'a' ke'raj xpaab'ankil, ke'xjipi chik rib'eb' ut ke'xtz'ap xxikeb' re naq ink'a' ke'ab'ink;

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Jeremías 22:9

Ut te'sumeeq chi jo'ka'in: «Xb'aan naq xe'xsach xwankil li Sumwank li kixk'ojob' li Qaawa', li xYoseb', ut xe'ok chi xloq'oninkileb' li jalanil yos»”.