Jeremías 10:7 - Q'eqchi Bible

⁷ Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

Li Santil hu

⁷ ¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

Jeremías 10:7 ပူးပေါင်းရင်းမြစ်များ

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Salmos 22:28

Jo'k'ihal li wankeb' junsut junrub'el choxa te'jultiko'q reheb' ut te'sutq'iiq rik'in li Yos. Chiru A'an te'xwiq'ib' rib' chixjunileb' li tenamit sa' ruuchich'och'.

Jeremías 10:6

Maajun junaq juntaq'eetat wi', at Qaawa': jwal nim laaloq'al ut k'ajo' xnimal laawankil!

Jeremías 5:22

Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.

Salmos 89:6

At Qaawa', li choxa naxnima aawu xb'aan laasachb'ach'oolej, ut li xch'utameb' li ánjel naxye resil li xtiikilal laach'ool.

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Salmos 72:11

Chixjunileb' li awab'ej che'xwiq'ib' rib' chiru a'an, ut chixjunileb' li tenamit che'k'anjelaq chiru.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

1 Corintios 8:6

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

Éxodo 8:10

“Wulaj”, chan laj Parahón naq kichaq'ok. Kixye laj Moisés: “Taa'uxq jo' laawaatin, re naq taanaw naq maajun kama' li Qaawa' li qaYos.

Éxodo 9:14

Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

Josué 4:24

Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

Ester 1:13

ut kixye reheb' li ramiiw: “K'ehomaq reetal k'aru xinxsume wi' lix Vasti. Raqomaq aatin sa' xb'een ut yehomaq k'aru tento xb'aanunkil anaqwan”.

Daniel 2:27

Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Habacuc 3:2

At Qaawa', xwab'i laawesil nayeemank, ut xwil xnimal laak'anjel xlajaab'aanu: k'ajo' naq ninloq'oni aawu! At Qaawa', b'aanu wi' chik sa' qayanq, k'e chi nawe'k laab'aanuhom anaqwan. Us ta yo aajosq'il sa' qab'een, jultikaq aawe laanimal aawuxtaan.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

2 Reyes 17:39

Ka'ajwi' li Qaawa' leeYos teeloq'oni ru ut A'an texxkol chiru chixjunileb' li xik' neke'ilok eere”.

1 Crónicas 16:25

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Salmos 47:3

Xb'aan naq li Qaawa', li Nimajwal Yos, a'an xiwajel ru, a'an li Awab'ej jwal nim xwankil sa' xb'een chixjunil li ruuchich'och'.

Salmos 86:8

Ani ta chik jo' laa'at sa' xyanqeb' chixjunileb' li yos? Maajun nab'aanunk re jo' li nakab'aanu laa'at!

Salmos 147:5

Q'axal nim xwankil li qaYos, k'ajo' naq kaw rib'; ink'a' naru xb'isb'al li xchamal li xna'leb'.