Jeremías 10:16 - Q'eqchi Bible

¹⁶ A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Li Santil hu

¹⁶ Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Jeremías 10:16 ပူးပေါင်းရင်းမြစ်များ

Deuteronomio 32:9

Ab'an li kitz'aqk li Qaawa', a'an li xtenamit; laj Jakob kikanaak tz'aqal cho'q reechanihom.

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

Jeremías 31:35

Jo'ka'in kixye li Qaawa', li kixk'e li saq'e cho'q xsaqenk li kutan, li po ut eb' li chahim cho'q xsaqenkil li q'oqyink, ut na'eek'asink re li palaw re naq kaw taa'ab'imanq li xkaw oq; li Qaawa', li Nimajwal Yos, a'an li xk'ab'a':

Jeremías 51:19

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Jeremías 10:12

Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in xseeb'al li xk'a'uxl, ut rik'in li xnimal xnawom kixhel ru li choxa.

Salmos 119:57

Li Nimajwal Yos a'an linmaatan: xinye li waatin naq tinpaab' laachaq'rab'.

Salmos 74:2

Chijultiko'q aawe li komonil kaweechani najter q'e kutan, a' li molam kakol laa'at re tkanaaq cho'q aawe; chijultiko'q aawe li tzuul Sión b'arwi' kayiib' laamuheb'aal.

Lamentaciones 3:24

Ut ninye sa' li waanm: “Li Qaawa' a'an linb'ihomal; jo'kan naq xaqxo li woyb'enihom rik'in”.

Salmos 135:4

Li Qaawa' kixsik' ru laj Jakob cho'q re xjunes; kixsik' ru laj Israel cho'q reechanihom.

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Isaías 45:7

Laa'in ninyoob'ank re li kutan ut li aak'ab', ninb'aanu li usilal jo'wi' li rahilal. Laa'in li Qaawa' ninb'aanunk re chixjunil a'in.

Salmos 73:26

Us ta lintib'el ut linna'leb' yo chi oso'k, ab'an li Yos nak'ehok xkawub' linch'ool: a'an linsahilal ut linb'ihomal chi junelik!

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Isaías 51:15

“Laa'in li Qaawa', laaYos, naweek'asi ru li ha' ut nink'e chi pisk'ok li xkaw oq li palaw. Qaawa', li Nimajwal Yos, a'in link'ab'a'.

Isaías 47:6

K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Proverbios 16:4

Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Salmos 142:5

Chat-iloq chink'atq ut chak'e reetal: maajun junaq nanawok wu. Maab'ar naru tinmuq wib'; maajun junaq truuq chi kolok we.

Jeremías 10:6

Maajun junaq juntaq'eetat wi', at Qaawa': jwal nim laaloq'al ut k'ajo' xnimal laawankil!

Jeremías 33:2

“Jo'ka'in xye li Qaawa', li kixk'uub' li ruuchich'och', kixyiib' ut kixk'ojob' chi junajwa sa' xna'aj; li xk'ab'a' a'an Qaawa':

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Zacarías 2:12

Li Qaawa' taa'ok wi' chik Judá jo' tz'aqal reechanihom sa' li Santil Na'ajej, ut tixsik' wi' chik ru li tenamit Jerusalén.

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Salmos 33:6

Xb'aan raatin li Qaawa' ki'uxk li choxa; rik'in li xmusiq' kiyoob'tesiik chixjunil li wank chisa'.

Isaías 19:25

Ut te'osob'tesiiq xb'aan li Nimajwal Yos chi jo'ka'in: “Osob'tesinb'il taxaq Ejiipt lintenamit, jo' ajwi' Asiria li kink'uub' rik'in wuq'; osob'tesinb'ilat taxaq Israel, li tz'aqal intenamit”, cha'aq li Yos.

Jeremías 46:18

Laa'in li Qaawa', li Nimajwal Yos, li xnimal ru Awab'ej. Laa'in li yo'yookil Yos. Kama' li tzuul Tabor najt xteram sa' xyanqeb' li tzuul ut li tzuul Karmeel nawakliik sa' xb'een li palaw, jo'kanaq li xmetz'ew li winq taachalq sa' eeb'een.