Jeremías 10:10 - Q'eqchi Bible

¹⁰ A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Li Santil hu

¹⁰ Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Jeremías 10:10 ပူးပေါင်းရင်းမြစ်များ

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Salmos 100:5

Xb'aan naq jwal chaab'il li Qaawa', li xrahom wank chi junelik; li xtiikilal xch'ool wanq junq'e junq'e kutan.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Salmos 31:5

Chinaawisi taxaq sa' linra'lenkil xe'xk'e: relik chi yaal naq laa'at linmuheelahom.

Salmos 10:16

Li Qaawa' a'an awab'ej chi junelik; eb' li maak'a'eb' xpaab'aal te'isiiq sa' xna'ajeb' chi junwaakaj.

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

Hebreos 10:31

Q'axal xiwajel li t'ane'k sa' ruq' li yo'yookil Yos!

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Malaquías 3:2

Ab'an ani tawi' kawal wank royb'eninkil li xkutankil li xchalik? Ani tixkuy wank chi xaqam naq tol'elq? Xb'aan naq A'an chanchanaq li raq'xam napuuxiik wi' li oor malaj jo' li poq xab'on re saqob'resink t'ikr.

Habacuc 3:6

Naxhich'hich'i rib' li ch'och' naq naxaqliik li Qaawa', ut eb' li tenamit neke'xiwak naq na'ilok. Nalaje'uq'e'k eb' li najter tzuul ut neke'ha'o'k eb' li mayer b'ool, a'ut li xb'e li Qaawa' wank chi junelik.

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Salmos 146:6

a'an laj winqob'resihom re choxach'och', a'an kiyiib'ank re li palaw ut chixjunil li wank chisa'. Li Qaawa' wank sa' tiikilal chi junelik.

Salmos 145:13

Laa'awab'ejihom a'an re junq'e junq'e kutan, ut laawankil wank chi junelik. Li Qaawa' a'an tiik xch'ool rik'in li naxye, q'axal chaab'il rik'in chixjunil li naxb'aanu.

Salmos 114:7

Chatsiksotq, at ruuchich'och', chiru li Qaawa', chiru li rilob'aal li xYos laj Jakob!

Salmos 104:32

Naq naril li ruuchich'och', k'ajo' naq nahich'len! Ka'ajwi' naxtoch'eb' li tzuul, ut nab'utz'utz'nak xsib'el.

Salmos 97:4

Nasaqeno'k li ruuchich'och' xb'aan raq' li kaaq: k'ajo' naq naxsiksiki rib' li ch'och' rik'in rilb'al a'an.

Salmos 93:2

Chalen chaq sa' xtiklajik ak k'ojk'o laak'ojarib'aal sa' xna'aj; chalen chaq junxil ak wankat laa'at.

Salmos 90:11

Ani tawi' nanawok xkawilal laajosq'il re naq taaxiwaq chiru xnimal laak'a?

Salmos 84:2

K'ajo' xsahil li wank sa' laawochoch, at Qaawa', at qaNimajwal Yos!

Salmos 77:18

Eb' li choql ke'xhoy chaq li hab', ki'eek'anje'k li kaaq sa' choxa, chanchaneb' ral simaj naq ke'replokje'k li raq'kaaq.

Li xHu LAJ JOB 9:6

A'an naxchiq'le li ruuchich'och' sa' xna'aj ut naxchiq'chiq'i eb' li roqechal.

2 Crónicas 15:3

Chiru k'iila chihab' eb' laj Israel ke'wank chi maak'a' tz'aqal xYoseb', maak'a' junaq aj tij natzolok reheb' ut maak'a' li chaq'rab'.

1 Reyes 18:39

Naq ke'ril a'an, chixjunileb' li poyanam ke'xhupub' rib' chiru ch'och' ut ke'xjap re chi xyeeb'al: “Li Qaawa', a'an li tz'aqal Yos!”, chankeb'.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Jueces 5:4

“At Qaawa', naq kat-elk chaq Seír, naq katnume'k chaq sa' li na'ajej Edom, kixhich'le rib' li ruuchich'och', kichalk chaq li hab' sa' choxa ut k'ajo' naq ke'ha'lenk li choql.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Joel 2:11

Li Qaawa' tixjap re chi xtaqlankileb' a'an. K'ajo'aq xk'ihaleb' laj k'anjel chiru ut jwal naab'alaqeb' li neke'paab'ank re. Xiwajelaq li kutan taaraqoq wi' aatin li Qaawa'. Maajun taakuyuq re rilb'al.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Daniel 4:3

K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Jeremías 23:36

Ab'anan maajoq'e chik teeye: «A'an li iiq xk'ehom li Qaawa'», xb'aan naq wi teeroksi li aatin a'an, a'an taaq'apluuq sa' eeb'een. Laa'ex xepo' xyaalal li raatin li yo'yookil Yos, a' li Qaawa', li qaNimajwal Yos.

Isaías 37:17

Ab'i, at Qaawa', ut chak'e reetal; chate xsa' laawu ut chawil li neke'xb'aanu. Ab'i li aatin li xtaqla chaq xyeeb'al laj Senakerib, re aamajewankil laa'at li yo'yookil Yos.

Isaías 37:4

Ma ink'a' tawi' xrab'i li Qaawa' laaYos li xyehom li xnimal ru aj k'anjel li xtaqlaak chaq xb'aan laj eechal re, a' li awab'ej re Asiria, re xhob'b'al li yo'yookil Yos? Jwal us raj naq li Qaawa' laaYos taarahob'tesinq re xb'aaneb' li raatin xye. Laa'at tijon chiru li Qaawa' chirixeb' laj Israel li toj yo'yookeb'!»”.

Salmos 68:11

Chi jo'kan eb' laawalal xe'xtaw xna'ajeb', at qaYos, sa' li ch'och' kawresinb'il xb'aan laawusilal cho'q reheb' li neb'a' ut li ra wankeb'.

Génesis 21:33

Toja' naq laj Abrahán kiraw jun toon chi tamarisko aran Berseba ut kixyaab'a xk'ab'a' li Qaawa', li junelik Yos.

1 Reyes 8:60

Chooxtenq'a taxaq re naq chixjunileb' li tenamit sa' ruuchich'och' te'xk'e reetal naq li Qaawa' a'an Yos, ut maak'a' chik junaq.

Salmos 29:10

K'ojk'o li Qaawa' sa' xb'een li b'ut'iha', k'ojk'o li Qaawa' cho'q awab'ej chi junelik.

Salmos 68:8

At qaYos, naq xak'am chaq xb'e laatenamit chi elk Ejiipt ut xatnume'k chaq sa' li chaqich'och',

Salmos 90:2

Naq toj maak'a'eb' chaq li tzuul ut toj maji' nak'ub'laak sa' xna'aj li choxach'och', ak laa'at ajwi' chaq li qaYos junq'e junq'e kutan!

Isaías 40:15

Chiru li Qaawa' eb' li tenamit chanchaneb' jun tz'uqul chi ha' sa' junaq sek', kama' wi' junaq ru li pojtz' sa' li peex; eb' li na'ajej sa' xyi li palaw jo' raalal li xk'aj li pek.

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Jeremías 4:24

Kiwil eb' li k'iche' ut kink'e reetal naq neke'heetank sa' li xna'ajeb'; chixjunileb' li tzuul neke'chiq'lok sa' xna'ajeb'.

Jeremías 50:46

Tz'aapixik rab'inkil li xt'anik Babilonia, ut li xyaab'eb' taa'ab'imanq sa' chixjunileb' li na'ajej”.

Jeremías 51:29

Nahich'lok li ruuchich'och' chi k'ajo' xxiw, xb'aan naq yo chi tz'aqlok ru li xk'uub'ahom li Qaawa' chirix Babilonia: naq li tenamit a'an tkanaaq chi nakirirnak ut maajun chik poyanam taawanq chisa'.

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

Salmos 9:8

Li Qaawa' na'awab'ejink chi junelik, naxk'uub' li xk'ojarib'aal re li raqb'a aatin.

Salmos 74:12

Chalen chaq sa' xtiklajik laa'at laj Eechal qe, at Qaawa', ut k'iila sut xoohaak'e chi q'axok u.

Salmos 76:8

Laa'at xiwajel aawu; ani ta tixkuy wank chawu naq nachalk laajosq'il?

Salmos 100:3

Chenawaq naq li Qaawa' a'an Yos, a'an kiyoob'tesink qe ut reho ajwi', laa'o li xtenamit, laa'o xkarneer k'aak'alenb'ilo xb'aan.

Isaías 40:28

Ma ink'a' nakanaw laa'at? Ma ink'a' aawab'ihom resil? Li Qaawa' a'an li Yos wank chi junelik; A'an kixaqab'ank re li xnub'ajlil li ruuchich'och'. Ink'a' nalub'k chi moko natawaak, ut maajun natz'ilok rix li xseeb'al xk'a'uxl.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.

Nahum 1:5

Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.