Jeremías 1:9 - Q'eqchi Bible

⁹ Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.

Li Santil hu

⁹ Ut li Ka̱cuaꞌ Dios quixqꞌue li rukꞌ saꞌ xtzꞌu̱mal cue ut quixye cue: —Anakcuan ac xinqꞌue li cua̱tin saꞌ xtzꞌu̱mal a̱cue.

Jeremías 1:9 ပူးပေါင်းရင်းမြစ်များ

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

San Lucas 12:12

xb'aan naq li Santil Musiq'ej taak'utuq cheru sa' ajwi' li honal a'an k'aru tento xyeeb'al”.

Isaías 51:16

Laa'in xink'e li waatin chi xtz'uumal aawe ut xatinmuheela rub'el inwankil. Laa'in kinhelok re li choxa ut kink'ojob' li ruuchich'och' sa' xna'aj, ut anaqwan ninye re Sión: «Laa'at lintenamit»”.

Isaías 50:4

Li Qaawa' xinxtzol chi aatinak jo' xtz'aqal tzolom ut xk'e waatin re xk'ojob'ankil xch'ool li tawajenaq. Rajlal eq'la ninrajsi re naq tink'e inch'ool chi ab'ink, jo' neke'xb'aanu eb' li xtzolom.

San Mateo 10:19

Ab'an, naq texq'axtesiiq, mixik eech'ool chi xk'oxlankil chanru malaj k'aru teeye, xb'aan naq taak'ehe'q eere sa' li honal a'an k'aru teeye.

Ezequiel 3:10

Chirix chik a'an kixye we: “At kaamel winq, chixjunil li aatin tinye aawe k'e aach'ool chi rab'inkil ut k'uula chi us sa' laawaanm.

Isaías 49:2

Kixk'e chi xtz'uumal we li aatinak chi yaal, jo' tawi' li q'esnal ch'iich', ut kinxkol rik'in xwankilal li ruq'; kinxji' jo' jun simaj q'esq'es li ru'uj ut sa' rochochil li simaj kinxk'uula.

San Marcos 7:33

Li Jesus kirisi xjunes li winq sa' xyanqeb' li tenamit, kixch'ikeb' li ru'uj ruq' sa' xxik ut rik'in xya'al re kixch'e' li ru'uj raq'.

Números 23:5

Toja' naq li Qaawa' kixye li esil a'in re laj Balaham: “Sutq'in wan wi' laj Balak ut taaye li aatin xinnumsi chawu”, chan re.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

Jeremías 36:2

“Sik' junaq b'otb'ookil hu ut tz'iib'a chisa' chixjunileb' li aatin inyehom aawe chirix li tixk'ul laj Israel, laj Judá ut chirix chixjunileb' li tenamit chalen chaq xb'enwa toj anaqwan.

Daniel 10:10

Ab'anan tikto jun uq'mej kiwaklesink we ut kinxxaqab' chi neke'siksotk eb' li woq jo'wi' eb' li wuq' xb'aan inxiw.

Daniel 10:16

Ab'anan k'utaamil chiwu jun li mu chanchan winq, ut kixtoch' li xtz'uumal we. Toja' naq kin'ok chi raatinankil li xaqxo chiwu: «Wa'chin, q'axal namayok linch'ool chi rilb'al li moy u a'in ut xinkanaak chi sachso inna'leb'.

Deuteronomio 18:16

A'an tz'aqal li kapatz' chiru li Qaawa' laaYos sa' xb'een li tzuul Horeb, sa' xkutankil li Loq'laj Ch'utam, naq kaye: «Ink'a' chik nawaj rab'inkil xyaab' xkux li Qaawa' linYos, chi moko twil chik li nimla xam a'in, re naq ink'a' tinkamq», chankat.

Deuteronomio 18:17

Toja' naq li Qaawa' kixye we chi jo'ka'in: «Us li xe'xye.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Jeremías 15:19

Toja' naq li Qaawa' kixye we chi jo'ka'in: “Wi tatsutq'iiq chaq wik'in, laa'in tatink'ul wi' chik ut tat-ok wi' chik chi k'anjelak chiwu. Wi taakanab' xyeeb'al memil aj aatin ut taatikib' xyeeb'al li jwal aajel ru, laa'at li tat-aatinaq sa' ink'ab'a'. A'eb' li poyanam tento te'sutq'iiq aawik'in, moko laa'at ta li tatsutq'iiq rik'ineb'.

Jeremías 34:6

Laj Jeremías, li propeet, kixye chixjunil a'in re laj Sedesías, awab'ej re Judá, aran Jerusalén,