Jeremías 1:19 - Q'eqchi Bible

¹⁹ Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Li Santil hu

¹⁹ Teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin cha̱colbal, chan li Dios.

Jeremías 1:19 ပူးပေါင်းရင်းမြစ်များ

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Salmos 129:2

q'axal kine'xrahob'tesi chalen chaq sa' linsaajilal, ab'anan ink'a' ke'numtaak sa' inb'een.

Jeremías 11:19

Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Hechos 26:17

Laa'in tatinkol sa' ruq'eb' laatenamit ut sa' ruq'eb' li junch'ol chik li tatintaqla wi'

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Jeremías 2:1

Li Qaawa' kinraatina ut kixye we chi jo'ka'in:

Jeremías 30:11

Laa'in, li Qaawa', ninye li waatin naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Jeremías 42:11

Meexiwa ru li awab'ej re Babilonia, li q'axal nekexxiwak xb'aan. Mexxiwak chiru xb'aan naq wankin eerik'in chekolb'al ut cherisinkil rub'el li xwankil.

Jeremías 46:28

At Jakob, aj k'anjelat chiwu, matxiwak -chan li Qaawa'-, xb'aan naq wankin aawik'in chakolb'al ut tinsach ruheb' chixjunil li tenamit katincha'cha'i wi'. Ab'an ink'a' tinsach aawu laa'at chi junajwa, us ta tatinq'us ut tatintij jo' chanru aak'ulub': ka'ajwi' nawaj naq taatoj rix laamaak sa' xyaalal”.

Daniel 3:25

“Ab'an laa'in yookin chi rilb'al kaahib' chi winq hithookeb' chik, ut yookeb' chi b'eek sa' xyi li xam chi maak'a' b'ayaq xe'xk'ul; ut li xka a'an chanchan jun ánjel”, chan li awab'ej.

Jeremías 11:21

Jo'ka'in li Nimajwal Yos kiraqok aatin chirixeb' laj Anatot li ke'raj inkamsinkil rik'in xyeeb'al: “Mat-aatinak sa' xk'ab'a' li Qaawa', re naq ink'a' tatqakamsi”, chankeb'.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Jeremías 26:8

Ab'anan naq kiraqe'k laj Jeremías chi xyeeb'al chixjunil li xchaq'rab'iik wi' xb'aan li Qaawa', kichape'k xb'aaneb' laj tij, eb' li propeet ut xb'aaneb' chixjunil li tenamit, ut kiyehe'k re: “Relik chi yaal naq tatkamq.

Jeremías 39:17

Ab'an naq taak'ulmanq a'an, laa'in tatinkol re naq ink'a' tatq'axtesiiq sa' ruq'eb' li q'axal nakaxiwaheb' ru.