Isaías 9:9 - Q'eqchi Bible

⁹ Chixjunileb' li poyanam xe'nawok re, li wankeb' sa' xteepal Efraín ut Samaria, a'eb' li neke'xq'etq'eti ut neke'xnima rib' chi xyeeb'al:

Li Santil hu

⁹ Chixjunileb laj Israel teꞌxnau nak li Ka̱cuaꞌ, aꞌan li quiba̱nun re aꞌan. Teꞌxnau chixjunileb li ralal xcꞌajol laj Efraín ut li tenamit Samaria, li nequeꞌxkꞌetkꞌeti ribeb ut nequeꞌxnimobresi ribeb chixyebal:

Isaías 9:9 ပူးပေါင်းရင်းမြစ်များ

Isaías 46:12

Ab'ihomaqin, laa'ex li kaw eejolom, li najt wankex rik'in li kolb'a ib':

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Malaquías 3:13

Li Qaawa' kixye chi jo'ka'in: “Jwal ra nanaqk wi' li aatin nekeye we. Ut toj nekeye: «K'aru li aatin xqarahob'tesi wi' laach'ool?», chankex.

Ezequiel 33:33

Ab'anan chixjunil a'in toxtz'aqloq ru, ut naq taatz'aqloq a'an, te'xtaw ru naq xwank jun propeet sa' xyanqeb'”.

Ezequiel 30:19

Jo'ka'in naq tin'eeqajunq sa' xb'een Ejiipt, ut aran taanawmanq naq laa'in li Qaawa'”.

Ezequiel 7:27

Li awab'ej wanq sa' rahil ch'oolej, li xnimal ru winq sachsooq xna'leb', ut taach'inanq xch'ooleb' li tenamit. Tinraqoq aatin sa' xb'eeneb' jo' chanru li xyehom xb'aanuhomeb', ut te'xk'ul li k'aru xk'ulub'eb' wi'. Chi jo'kan te'xnaw naq laa'in li Qaawa'”.

Ezequiel 7:9

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa', li yookin chi rahob'tesink eere.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Isaías 48:4

Laa'in ninnaw naq kaw laajolom, kama'at li ch'iich', ut ink'a' naq'unaak laach'ool jo' li pek.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

1 Reyes 22:25

Kichaq'ok laj Mikeas: “Taawil rik'in laawu sa' li kutan naq yooqat chi xmuqlenkil aawib' sa'atqeb' li ochoch”, chan.

Isaías 7:2

Naq li xjunkab'al laj David ke'rab'i resil naq eb' laj Siria xjunajihomeb' rib' rik'ineb' laj Efraín, k'ajo' naq ke'chalk xxiw li awab'ej ut eb' li tenamit, ut ke'ok chi siksotk jo'eb' li che' naq neke'eek'asiik xb'aan li kawil iq' sa' li k'iche'.

Isaías 9:8

Li Qaawa' xraqok aatin sa' xb'een li tenamit Israel, sa' xb'eeneb' li ralal xk'ajol laj Jakob.

Isaías 28:1

Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.

Isaías 28:3

ut tixyeq'i sa' roq li tenamit neke'xnima wi' rib' eb' laj Efraín li jwal kalajenaqeb'.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Malaquías 1:4

Wi ta eb' laj Esaú te'xye: “Yaal naq xoosache'k, ab'an tqawaklesi wi' chik li qatenamit”, cha'qeb', li Qaawa', li Nimajwal Yos, tixye: “Wi eb' a'an te'xwaklesi wi' chik li xtenamiteb', laa'in tinjuk'uq wi' chik re. Ut li na'ajej a'an tixk'ab'a'in: «Xtenamitul li maa'usilal», ut «Tenamit b'arwi' junelik wanq li xjosq'il li Qaawa'»”.