Isaías 9:3 - Q'eqchi Bible

³ Xak'ihob'resi laatenamit, at Qaawa', xak'e xnimal xsahilaleb' xch'ool naq xatk'ulunk sa' xyanqeb', kama' wi' li sahil ch'oolejil sa' xq'ehil li q'olok, sa' li kutan naq neke'xjek'i chirixeb' li b'ihomal.

Li Santil hu

³ At Ka̱cuaꞌ, xaqꞌueheb cuiꞌchic chi ta̱mc la̱ tenamit ut xaqꞌue cuiꞌchic xsahil xchꞌo̱leb. Ut kꞌaxal cuiꞌchic teꞌsahokꞌ xchꞌo̱leb a̱cuiqꞌuin. Chanchan nak nasahoꞌ xchꞌo̱leb li yo̱queb chi kꞌoloc ut chanchan nak nasahoꞌ xchꞌo̱leb li soldados nak nequeꞌxjeqꞌui chirixeb li cꞌaꞌru nequeꞌre̱chani chak saꞌ li ple̱t.

Isaías 9:3 ပူးပေါင်းရင်းမြစ်များ

Salmos 119:162

Nasaho'k inch'ool rik'in laayeechi'om, kama' junaq li xtaw chaq xnimal b'ihomal.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Isaías 26:15

At Qaawa', laa'at xak'e chi k'ihank laatenamit: xak'ihob'resiheb' re naq taanawmanq ru laawankilal ut xatiq ru li xnub'ajlil li qana'aj.

Isaías 66:10

“Sahoqex rik'in Jerusalén, chejunilex li nekexrahok re, chiwanq sahil ch'oolej sa' eeyanq. Wotzomaq li xsahilal xch'ool eerochb'een, jo'k'ihalex li xexyaab'ak chirix.

Isaías 65:18

Sahoqex ut chiwanq nimla sahilal chi junelik xb'aan li k'aru tinyoob'tesi: ok we chi xyoob'tesinkil jun ak' Jerusalén nujenaqaq chi sahil ch'oolej. Ut numtajenaqaq li xsahilal xch'ooleb' li te'wanq aran.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

1 Samuel 30:16

Ut kixk'am rik'ineb' laj Amalek li wankeb' yalaq b'ar sa' li na'ajej a'an, yookeb' chi wa'ak uk'ak ut chi xajok xb'aan chixjunil li k'a'aq re ru ke'relq'a sa' xna'ajeb' laj Filistea ut eb' laj Judá.

San Lucas 11:22

Ab'anan, wi taachalq junaq q'axal kaw rib' chiru a'an ut tixq'ax ru, tixmaq' eb' li xch'iich' li kaw wi' xch'ool ut tixjek'i chixjunil li k'aru re.

Salmos 4:7

Naab'aleb' neke'yehok re: “Ani tawi' taak'ehoq chiqil li sahilal?”, chankeb'. Chak'ut taxaq li xnimal laawusilal.

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

Zacarías 10:8

“Rik'in jun xuxb' teb'inb'oq ut teb'inch'utub' xb'aan naq laa'in xinkolok reheb'; ut q'axal te'tamq wi' chik jo' naq xe'wank chaq junxil.

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Oseas 4:7

“Naq k'ajo' xk'ihaleb' laj tij, k'ajo' chik xe'maakob'k; ut laa'in twisi xloq'aleb' ut tink'ut xxutaaneb'.

Jeremías 31:7

Jo'ka'in ajwi' kixye li Qaawa': “Japomaq eere xb'aan xsahil leech'ool chirixeb' laj Jakob, chiwanq sahil ch'oolejil sa' xk'ab'a' li xnimal ru tenamit. Puktesihomaq resil, chenimaaq ru ut yehomaq: «Li Qaawa' xkol li xtenamit, li rela'eb' laj Israel».

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 61:7

Numtajenaq leexutaan ut leemajewankil eek'ulum chaq; jo'kan naq naab'alaq ajwi' leemaatan: ka'wa teek'ul xk'ihal leeb'ihomal sa' li na'ajej wanqex wi' ut junelik chik sahaq sa' leech'ool.

Isaías 55:12

K'ajo'aq xsahil eech'ool naq tex'elq Babilonia; sa' tuqtuukilal texk'ame'q chaq wi' chik sa' leena'aj. Naq eb' li tzuul ut eb' li b'ool texrileb' chi chalk, te'xjap re chi b'ichank, ut chixjunileb' li k'iche' te'xpoq'poq'i li ruq'eb' cherilb'al.

Isaías 54:1

Jap aawe xb'aan xsahil aach'ool, at ma'al ixq li maajuneb' laawalal aak'ajol. B'ichan chi sa sa' laach'ool, laa'at li maajun sut xat-alank, xb'aan naq li Qaawa' kixye chi jo'ka'in: “Q'axal wi' chik naab'aleb' li ralal xk'ajol li kanab'anb'il ixq chiru li wank xb'eelom”.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

Nehemías 9:23

Ut kanaab'alob'resiheb' li ralal xk'ajoleb' jo' xk'ihal li chahim chiru choxa; ut kak'ameb' sa' li ch'och' li kaye naq te'reechani li xna' xyuwa'eb'.

Jueces 5:3

Ab'ihomaq, ex awab'ej; chineerab'ihaq, ex k'amol b'e! Twaj tinb'ichanq chiru li Qaawa'; tinb'icha xloq'al li Qaawa', xYos laj Israel.

Hechos 8:8

Ut kiwank nimla sahil ch'oolejil sa' li tenamit a'an.

Li xHu LAJ JOB 12:23

Naxwaklesi eb' li tenamit ut naxsach ruheb'; naxcha'cha'i eb' li poyanam ut naxch'utub'eb' wi' chik.

Isaías 65:14

eb' laj k'anjel chiwu te'b'ichanq chi sa sa' xch'ooleb', ut laa'ex teejap eere chi yaab'ak ut chi q'oqonk, chi k'ajo'aq xmay ut xyot'ik leeraanm.

Levítico 26:13

Laa'in li Qaawa' leeYos, li kin'isink chaq eere Ejiipt re naq ink'a' chik wanqex rub'el xwankilaleb'. Kint'upi li kareen b'ak'b'ookex wi' aran ut kexink'e chi b'eek chi taqenaq leerilob'aal.

Jueces 7:22

Naq eb' li o'lajuk'aal chi winq yookeb' chi xyaab'asinkil li xxukub'eb', li Qaawa' kixb'aanu naq chixjunileb' laj Madián ke'ok chi xkamsinkil rib' chirib'ileb' rib' yalaq b'ar. Ut eb' laj puub' ke'elelik toj Bet-Hasitá, sa' li b'e naxik Sartán, toj sa' xnub'ajl Abel-Mejolá, sa' xjayal Tabat.

Jueces 8:12

Laj Sébaj ut laj Salmuná ke'elelik, ab'an laj Jedehón kixtaaqeheb' toj reetal kixchapeb' li wiib' chi awab'ej, a' laj Sébaj ut laj Salmuná, ut kixsach chixjunileb' laj puub'.

Isaías 10:26

Li Nimajwal Yos tixk'e reeqaj li rahilal xe'xb'aanu eere, jo' naq kixsacheb' ru laj Madián sa' li tzuul Horeb malaj jo' naq kixte li b'e sa' li palaw rik'in li xxuq' aran Ejiipt.

Isaías 14:5

Li Qaawa' xsach xwankileb' li ink'a' useb' xna'leb', xtoqi li xche'eb' laj rahob'tesinel,