Isaías 9:14 - Q'eqchi Bible

¹⁴ Jo'kan naq li Qaawa' tixsacheb' ru laj k'amol b'e jo'wi' eb' li poyanam, jo' na'uxk re junaq xul naq nayok'mank li xjolom ut li xye, jo' na'uxk re li kala' naq nakure'k ut na'isiik li xxaq. Ut chixjunil a'in taak'ulmanq yal chiru jun kutan.

Li Santil hu

¹⁴ Li Ka̱cuaꞌ tixqꞌueheb chixtojbal xma̱queb laj Israel, eb laj cꞌamol be joꞌ eb ajcuiꞌ li tenamit. Chanchan nak ta̱risi xjolom ut xye junak li xul malaj ut chanchan nak tixsach li palmera joꞌ nak tixsach li pim. Chixjunil aꞌin tixba̱nu chiru jun cutan.

Isaías 9:14 ပူးပေါင်းရင်းမြစ်များ

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Isaías 19:15

Ut maak'a' naru te'xb'aanu eb' laj Ejiipt, a' yaal ma li wankeb' xwankil malaj li kub'enaqeb' xwankil, eb' li b'ihom malaj eb' li neb'a'.

Apocalipsis 18:17

Yal chiru jun k'amok xsachk li nimla b'ihomal a'in!”, cha'qeb'. Chixjunileb' laj jolominel re jukub' ut li jo'k'ihal wankeb' chisa', eb' li neke'b'eresink re ut chixjunileb' li neke'k'anjelak chiru ha' ke'kanaak chi najt

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Amós 7:17

A'ut xyehom li Qaawa': «Laawixaqil taayumb'eetaq sa' li tenamit, eb' laawalal aak'ajol te'kamsiiq chi q'esnal ch'iich' ut laach'och' taajachimanq chi b'uulinb'il. Laa'at ajwi' toxatkamq sa' xyanqeb' li ink'a' neke'xpaab' li Qaawa', ut eb' laj Israel te'k'ame'q chi b'ak'b'o, najt rik'in li xna'ajeb'»”.

Amós 6:11

Xb'aan naq li Qaawa' xyehok naq taajuk'manq eb' li xninqal ru ochoch ut po'lem te'kanab'aaq wi' eb' li kok' kab'l.

Amós 3:12

Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Oseas 10:15

A'an ajwi' teek'ul laa'ex li wankex Betel xb'aan leek'iila maa'usilal. Li awab'ej re Israel taakamq sa' xtiklajik li kutan”.

Oseas 8:8

“Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Oseas 4:5

Tatt'ane'q sa' li maak chi kutan, ut chiru q'oqyink taamaakob'q chik li propeet aawochb'een; ut laa'in tinsach ru laana'.

Oseas 1:9

Toja' naq li Qaawa' kixye re laj Oseas: “K'e cho'q xk'ab'a' «Maawa' intenamit», xb'aan naq maawa'ex chik lintenamit, chi moko laa'in chik leeYos”.

Oseas 1:6

Lix Gómer kikanaak wi' chik sa' yu'am ut kiyo'laak jun xch'ina ixqa'al. Ut li Qaawa' kixye re laj Oseas: “«Ink'a' uxtaananb'il ru» taak'e cho'q xk'ab'a', xb'aan naq ink'a' chik twuxtaana ru eb' laj Israel, ut xeb'intz'eq chirix inch'ool.

Oseas 1:4

Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.

Isaías 30:13

Jo'kan naq wank leemaak. Chanchanex li jorol tz'ak najt xteram li taat'ane'q chi maak'a'aq sa' eech'ool.

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Jeremías 6:21

Jo'ka'in kixye we li Qaawa': “Tink'e xt'anleb'aal li tenamit a'in sa' li xb'e re naq te'tichk'oq ut te't'ane'q. Li na'b'ej yuwa'b'ej rochb'eeneb' li ralal xk'ajol, eb' li rechkab'al ut eb' li ramiiw, tik te'oso'q chixjunileb'”.

Jeremías 8:12

Tento raj xe'xutaanak b'ayaq chi xb'aanunkil li jo'maajo'il na'leb' a'an, ab'an maak'a' xxutaaneb' chi moko xe'kaqo'k kach'inaq xb'aan li xb'aanuhomeb'. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'»”, chan li Qaawa' Yos.

Lamentaciones 4:16

Li Qaawa' xcha'cha'ink reheb', re naq ink'a' chik trileb' ru. Ink'a' xe'k'ehe'k xloq'al eb' laj tij, chi moko xe'toq'ob'aak ruheb' li cheekel winq.