Isaías 9:12 - Q'eqchi Bible

¹² eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Li Santil hu

¹² Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Isaías 9:12 ပူးပေါင်းရင်းမြစ်များ

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

2 Crónicas 28:18

Jo'kaneb' ajwi' laj Filistea: ke'elq'ak sa'eb' li tenamit wankeb' chiru taq'a ut aran Nejeb, sa' xteepal Judá, ut ke'reechani eb' li tenamit Bet-Semes, Ayalón, Kederot, jo'wi' Sokó, Timná ut Kinsó rochb'eeneb' chixjunil li xk'aleb'aalileb', ut ke'kanaak aran.

Salmos 79:7

Xb'aan naq xe'xsach ru laj Jakob, xe'xpoqle chixjunil li reechanihom.

2 Reyes 16:6

Sa'eb' li kutan a'an laj Rasón, awab'ej re Aram, kireechani wi' chik li tenamit Elat cho'q re Aram. Kirisiheb' laj Judá li wankeb' aran Elat, ut a'eb' chik laj Edom ke'ok Elat chalen toj anaqwan.

Jeremías 10:25

Isi laajosq'il sa' xb'eeneb' li tenamit li ink'a' neke'nawok aawu, jo' ajwi' sa' xb'eeneb' li poyanam li ink'a' neke'tijok chawu. Xb'aan naq xe'xsach ruheb' li ralal xk'ajol laj Jakob toj reetal xe'oso'k chi junajwa, ut nakirirnak aj chik li xna'ajeb' xe'xkanab'.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Jeremías 35:11

Ab'an naq laj Nabukodonosor, li awab'ej re Babilonia, ki'ok chi yalok sa' li qana'aj, koochalk Jerusalén re elelik chiruheb' laj Kaldeha ut eb' laj Asiria; jo'kan naq wanko arin Jerusalén”.

Jeremías 4:8

Jo'kan naq jutub'omaq eerib' sa' q'es ruhil t'ikr, tz'uyinqex ut yaab'anqex xb'aan xrahil leech'ool, xb'aan naq toj yo xjosq'il li Qaawa' sa' qab'een”.

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Isaías 11:14

Te'xik sa' xjayal rokeb'l saq'e chi yalok rik'ineb' laj Filistea ut toxe'xchap chi maak'a'aq sa' xch'ooleb'; chi xkab'ichaleb' te'xxok li xb'ihomaleb' li poyanam li wankeb' sa' xjayal releb'l saq'e. Toxe'awab'ejinq sa' xb'eeneb' laj Edom ut Mohab, ut eb' laj Amón te'paab'anq chiruheb'.

Ezequiel 6:14

Tinye' li wuq' re xsachb'al ruheb' chi junwaakaj ut joxk' tinkanab' li xch'och'eb', chalen sa' li chaqich'och', sa' xjayal rokeb'l iq', toj Riblá sa' releb'l iq'. Ut aran te'xnaw naq laa'in li Qaawa'”.

Ezequiel 16:27

«Toja' naq kintaqsi li wuq' sa' aab'een charahob'tesinkil. Kinjeb' laatzekemq ut katinq'axtesi sa' ruq'eb' laj Filistea, li q'axal xik' nakate'ril ut neke'xutaanak xb'aan laatz'i'b'eetalil yu'am.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Amós 4:6

“Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Amós 4:8

Eb' li poyanam xkoheb' chi xsik'b'al xha' yalaq b'ar sa'eb' li tenamit, ut ink'a' xkotz li xchaqi'eeleb'. Ab'anan laa'ex ink'a' xexsutq'iik chaq wik'in”, chan li Qaawa'.

Amós 4:9

“Xexinrahob'tesi rik'in tiqwal iq' ut motzo'; xchaqik leerawimq ut lee'uub', ut eb' laj saak' xe'xchoy lee'oliiw ut lee'iig. Ab'anan laa'ex ink'a' xexsutq'iik chaq wik'in”, chan li Qaawa'.

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Sofonías 3:2

Ink'a' xraj rab'inkil li xyaab' xkux li Qaawa' chi moko xk'ulub'a li q'use'k xb'aan; ink'a' xk'ojob' xch'ool chirix li xYos chi moko xjilok chi xk'atq A'an.