Isaías 8:4 - Q'eqchi Bible

⁴ xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

Li Santil hu

⁴ Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

Isaías 8:4 ပူးပေါင်းရင်းမြစ်များ

Romanos 9:11

Us b'i', k'ehomaq reetal: re naq xaqxooq xwankil li xnimal xk'a'uxl li Yos li nasik'ok u moko sa' xk'ab'a' ta li xb'aanuhomeb' li winq, sa' xk'ab'a' b'an naq A'an nab'oqok, rub'elaj chaq li xyo'lajikeb' li wiib' chi k'uula'al naq toj maji' xb'aanuhomeb' junaq li us malaj junaq li ink'a' us,

Jonás 4:11

Ma toja' ta chik laa'in ink'a' traho'q linch'ool chirix li nimla tenamit Nínive, b'arwi' wankeb' waqk'aal mil chi poyanam li ink'a' neke'xnaw xk'eeb'al reetal b'ar wank li us ut li ink'a' us, ut k'ajo'eb' li ketomq wankeb' chisa'?”.

2 Reyes 17:3

Laj Salmanasar, awab'ej re Asiria, koho chi yalok rik'in laj Oseas, ut a'in kikanaak rub'el xwankil laj Salmanasar ut ki'ok chi xk'eeb'al xtoj re.

2 Reyes 16:9

ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

2 Reyes 15:29

Naq wank laj Pékaj cho'q awab'ej re Israel, laj Tiklat-Piléser, awab'ej re Asiria, kiyalok rik'ineb' laj Israel ut kixchapeb' li tenamit Iyón, Abel-Bet-Mahaká, Yanóhaj, Kadés, Jasor, Galahad, Galilea ut chixjunil li xteepal Efraín, ut kixk'ameb' chixjunil li xpoyanamileb' toj Asiria.

Deuteronomio 1:39

Ab'an leekok'al li kek'oxla laa'ex naq te'sache'q ru, a'eb' leeralal eek'ajol li toj maji' neke'xnaw li us ut li ink'a' us, a'an yaal naq te'ok aran. A'aneb' li tinq'axtesi wi' li na'ajej, ut a'aneb' te'eechaninq re.

Isaías 17:3

Taajuk'manq xwankil laj Efraín, ut li x'awab'ejihom Damaask taa'oso'q; eb' laj Siria li te'kole'q, maak'a'aqeb' chik xloq'al jo'keb' laj Israel -chan li Nimajwal Yos-.

Isaías 8:5

Li Qaawa' kinraatina wi' chik ut kixye:

Isaías 17:1

Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Amós 1:3

Jo'ka'in kixye li Qaawa': “Ak k'iila sut xinkuy xmaakeb' laj Damaask ut anaqwan maak'a' chik xkuyb'al, xb'aan naq k'ajo' naq xe'xrahob'tesi eb' laj Galahad.

Isaías 28:4

Ut li sahob' u yiib'anb'il rik'in tz'umjenaqil uutz'u'uj ut xaqxo sa' xb'een li ru taq'a k'ajo' xq'emal, taasache'q kama' li xb'een ru awimq li sa' junpaat nalowe'k xb'aan li naxokok re xb'enwa.

Amós 1:5

Tinjuk' li rokeb'aal Damaask; tinsach ruheb' laj Bikat-Abén jo' ajwi' li na'awab'ejink re Bet-Edén; ut eb' laj Aram te'k'ame'q chi preexil toj Kir”, chan li Qaawa'.