Isaías 7:6 - Q'eqchi Bible

⁶ Yo'qeb' chi yalok rik'ineb' laj Judá ut qaxib'esiiqeb'; qeechaniiq li xch'och'eb' ut qaxaqab'aq li ralal laj Tabel cho'q x'awab'ejeb', chankeb'.

Li Santil hu

⁶ —Toxic chi pletic riqꞌuineb laj Judá. Takachap lix naꞌajeb ut takajeqꞌui chi kibil kib. Ut takaxakab li ralal laj Tabeel chokꞌ xreyeb, chanqueb.

Isaías 7:6 ပူးပေါင်းရင်းမြစ်များ

Isaías 7:1

A'in kik'ulmank naq laj Ajás, ralal laj Jotán ut ri laj Osías, wan chaq chi awab'ejil aran Judá. Laj Rasín, awab'ej re Siria, rochb'een laj Pékaj, ralal laj Romelías, awab'ej re Israel, ke'taqe'k Jerusalén re raj reechaninkil li tenamit, ab'anan ink'a' ke'ruhank.

Isaías 7:5

Eb' laj Siria, rochb'eeneb' laj Efraín ut li ralal laj Romelías, xe'xk'uub' chaq aasachb'al naq xe'xye:

Isaías 7:7

Ab'an li Nimajwal Yos xye chi jo'ka'in: Ink'a' taak'ulmanq a'an!

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

2 Reyes 11:2

Ab'an lix Joseba, xrab'in laj Jorán li awab'ej ut ranab' laj Okosías, kirisi laj Johás sa' xyanqeb' li ralal xk'ajol li awab'ej, li yookeb' chi kamsiik, kixk'am ut koxmuq sa' li xwarib'aal, rochb'een li ixq aj ilol re. Jo'kan naq kimuqmuuk chiru lix Atalía ut ink'a' kikamsiik.

2 Crónicas 13:8

Ut anaqwan laa'ex teeraj xq'etq'etinkil eerib' chiru li x'awab'ejihom li Qaawa' li wank sa' ruq'eb' li ralal xk'ajol laj David, yal xb'aan naq jwal naab'alex ut wank eerik'in eb' li wakax yiib'anb'ileb' rik'in oor, li xk'ehom eere laj Jerobohán cho'q eeyos.

2 Crónicas 21:7

Ab'an li Qaawa' ink'a' kiraj xsachb'al ru li xjunkab'al laj David sa' xk'ab'a' li sumwank kixk'ojob' rik'in laj David, xb'aan naq kixyeechi'i re jo'wi' reheb' li ralal xk'ajol naq wanqeb' junaq xsaqenk lochlooq chi junelik.

2 Crónicas 28:5

Li Qaawa' li xYos kixq'axtesi laj Ajás sa' ruq' li awab'ej re Aram, ut kik'ame'k sa' li tenamit Damaask. Kiq'axtesiik ajwi' sa' ruq' li awab'ej re Israel, ut q'axal ra kixk'ul.

Salmos 21:11

Taak'eheb' chi oso'k li ralal xk'ajoleb' sa' ruuchich'och'; te'kamq chi junajwa junsut junrub'el choxa.

Salmos 83:3

Chak'e reetal chanru neke'xmululi rib' eb' li xik' neke'ilok aawe; eb' laj xik'il uuchinel aawe xe'xtaqsi xjolomeb'.

Proverbios 19:21

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Isaías 8:6

“Li tenamit a'in xe'xtz'eqtaana li ha' re Siloé li nab'eek roq sa' xyaalal, ut xch'inank xch'ooleb' chiru laj Rasín ut laj Pékaj, ralal laj Romelías.