Isaías 7:4 - Q'eqchi Bible

⁴ ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.

Li Santil hu

⁴ Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—

Isaías 7:4 ပူးပေါင်းရင်းမြစ်များ

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Deuteronomio 20:3

ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

San Mateo 24:6

Teerab'ihatq naq yooq li kamsij ib' malaj ut yal resil li yalok, ab'anan chek'ehaq reetal, mexxiwak! Xb'aan naq tento taak'ulmanq a'in; ab'an toj maji'aq li roso'jik.

Zacarías 3:2

Toja' naq li x'ánjel li Qaawa' kixye re li maa'us: “Li Yos taxaq chich'iilanq aawe, at maa'us! A' taxaq li xsik'ok ru li tenamit Jerusalén chiq'usuq aawe! Ma ink'a' tab'i' xkole'k li winq a'in jo' junaq ru'uj si' sa' xam?”.

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

Amós 4:11

“Xexinsach rik'in nimla rahilal jo' kinb'aanu reheb' laj Sodoom ut eb' laj Gomoor, ut chanchanex aj chik li ru'uj si' na'elk sa' li xam naq xexkanaak. Ab'anan laa'ex ink'a' xexsutq'iik chaq wik'in”, chan li Qaawa'.

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Isaías 10:24

Jo'ka'in xyehom li Nimajwal Yos: “Mexxiwak, ex intenamit li wankex Sión. Meexiwa ruheb' laj Asiria, us ta tate'xrahob'tesi rik'in che' ut tz'uum jo' ke'xb'aanu eb' laj Ejiipt.

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

Isaías 7:8

Damaask a'an li xnimal ru tenamit aran Siria ut laj Rasín a'an li awab'ej re Damaask. Samaria a'an li xnimal ru tenamit sa' xteepal Efraín, ut li ralal laj Romelías a'an li awab'ej re Samaria. Ab'anan sa' oob' xkaak'aal chihab' eb' laj Efraín moko tenamitaq ta chik. Ut wi laa'ex ink'a' k'ojk'o leech'ool wik'in, jo'kan ajwi' teek'ul: ink'a' texkanaaq chi xaqxo»”.

1 Samuel 17:32

Toja' naq laj David kixye re laj Saúl: “Maa'ani chich'inanq xch'ool xb'aan laj Filistea a'an. Laa'in, aj k'anjel chawu, tinxik chi yalok rik'in a'an”.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 7:1

A'in kik'ulmank naq laj Ajás, ralal laj Jotán ut ri laj Osías, wan chaq chi awab'ejil aran Judá. Laj Rasín, awab'ej re Siria, rochb'een laj Pékaj, ralal laj Romelías, awab'ej re Israel, ke'taqe'k Jerusalén re raj reechaninkil li tenamit, ab'anan ink'a' ke'ruhank.

Isaías 37:6

kiyehe'k reheb': “Yehomaq re laj eechal eere chi jo'ka'in: «Jo'ka'in xye li Qaawa': Matxiwak xb'aaneb' li aatin xawab'i, a' linhob'b'al xe'xb'aanu laj k'anjel chiru li awab'ej re Asiria.

2 Reyes 15:27

Ak kab'laju roxk'aal chihab' rokik laj Asarías cho'q awab'ej re Judá, kixtikib' awab'ejink laj Pékaj, ralal laj Romelías, sa' xb'eeneb' laj Israel aran Samaria, ut junmay chihab' ki'awab'ejink.

Isaías 8:6

“Li tenamit a'in xe'xtz'eqtaana li ha' re Siloé li nab'eek roq sa' xyaalal, ut xch'inank xch'ooleb' chiru laj Rasín ut laj Pékaj, ralal laj Romelías.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.