Isaías 7:3 - Q'eqchi Bible

³ Toja' naq li Qaawa' kixye re laj Isaías: “Ayu chi xk'ulb'al laj Ajás, aawochb'een laj Sehar-Yasub laawalal. Ayu toj sa' xmaril li roqha' wan wi' li tamb'aha' li wank chi tzuul, sa' xB'e laj Puch'unel,

Li Santil hu

³ Abanan li Ka̱cuaꞌ Dios quixye re laj Isaías: —Tatxic a̱cuochben laj Sear-jasub la̱ cualal cuan cuiꞌ lix naꞌaj li haꞌ li cuan takecꞌ. Te̱tau laj Acaz saꞌ li be nanumeꞌ cuiꞌ li rok haꞌ li cuan cuiꞌ lix naꞌajeb laj puchꞌunel.

Isaías 7:3 ပူးပေါင်းရင်းမြစ်များ

Isaías 36:2

Laj Senakerib, awab'ej re Asiria, kixtaqla chaq toj Lakix jun xnimal ru aj k'anjel chiru, rochb'een naab'aleb' aj puub', re aatinak rik'in laj Esekías. Naq ke'wulak Jerusalén, koxe'kanaaq chi xk'atq li ha' li wank chi tzuul, sa' li b'e naxik sa' li Xna'aj laj Puch'unel.

2 Reyes 18:17

Chirix chik a'an li awab'ej re Asiria kixtaqla jun xnimal ru aj k'anjel chiru, jo'wi' jun aj jolominel ut jun aj k'aak'alenel rochb'eeneb' jun teepeb' chi aj puub', re te'elq aran Lakix ut te'xik Jerusalén b'arwi' wank laj Esekías. Naq ke'wulak Jerusalén, koxe'kanaaq chi xk'atq li ha' wank chi tzuul, sa' li b'e naxik sa' li Xna'aj laj Puch'unel.

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Jeremías 22:1

Jo'ka'in kixye we li Qaawa': “Ayu sa' rochoch li awab'ej ut toxaaye li aatin a'in

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Isaías 10:21

Yal ajlanb'ilaqeb' aj chik li ralal xk'ajol laj Jakob li te'sutq'iiq rik'in li Nimajwal Yos.

2 Reyes 20:20

Chixjunil li xyehom xb'aanuhom laj Esekías, chixjunil li yalok, li tamb'aha' kixyiib' ut li roqha' kiroksi wi' ha' li tenamit, tz'iib'anb'ileb' sa' xHuhil li xyehom ut xb'aanuhomeb' li awab'ej re Judá.

Éxodo 7:15

Wulaj eq'la ayu rik'in laj Parahón naq taaxik sa' nima'. Toxaawoyb'eni chire li nima' ut chiwanq sa' aawuq' li xuq' li kisutq'iik chi k'anti'il.

Nehemías 3:16

Chirix chik a'an laj Nehemías, ralal laj Astuk, xjolomil xyiijachil li teep Bet-Sur, kitz'akab'k toj chiruheb' li xmuqleb'aal laj David, toj wan wi' li kumb' ut li rochocheb' laj puub'.

2 Reyes 16:1

Ak wuqlaju chihab' rokik cho'q awab'ej laj Pékaj, ralal laj Romelías, kixtikib' awab'ejink laj Ajás, ralal laj Jotán, sa' xb'eeneb' laj Judá.

Isaías 22:10

Toja' naq xerajla eb' li ochoch wank Jerusalén, ut naab'al li kab'l xejuk' re xkawub'resinkil li xsuttz'akil li tenamit.

Isaías 22:11

Sa' xyanqeb' li suttz'ak xeyiib' jun li kumb' re xxokb'al li ha' li wank sa' li q'eel kumb'. Ab'anan ink'a' xek'e reetal naq a' li Qaawa' kib'aanunk re chixjunil a'an, ut ink'a' xek'oxla ani kik'uub'ank re a'an chalen chaq junxilaj.