Isaías 7:14 - Q'eqchi Bible

¹⁴ Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Li Santil hu

¹⁴ Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Isaías 7:14 ပူးပေါင်းရင်းမြစ်များ

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

San Lucas 1:31

Tatkanaaq sa' yu'am ut taawanq jun aak'uula'al, Jesus taak'e cho'q xk'ab'a'.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Isaías 8:8

Tox'okaq toj Judá, kama' li b'ut'iha', ut taawulaq toj chi xkuxeb' li poyanam: chanchanaq li t'iw helho li xxik' li tixtz'ap chixjunil laatenamit, a Emmanuel”.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Isaías 8:10

Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.

Jeremías 31:22

Jo'q'e taakanab' xb'eeninkil aawib' jo' junaq q'etq'et aj tuq'ixq? Xb'aan naq li Qaawa' xyoob'tesi ak' na'leb' sa' ruuchich'och': a' chik li ixq nasik'ok re li winq”.

Romanos 9:5

Eb' a'an ralal xk'ajoleb' li qaxe' qatoon; sa' xyanqeb' a'an kitz'ejwalo'k li Kriist li kiyo'laak chaq sa' riyajileb'. A'in wank xwankil sa' xb'een chixjunil, Yos usilaatinanb'il chi junelik q'e kutan. Jo'kan taxaq.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.

1 Samuel 4:21

Aj Ikabod kixk'e cho'q xk'ab'a' li k'uula'al, xb'aan naq kixye: “Li xloq'al li Yos ki'isiik sa' xyanqeb' laj Israel, xb'aan naq kichapmank li Loq'laj Kaax”. Kixye chi jo'kan xb'aan naq kichapmank li xLoq'laj Kaax li Yos ut kamenaqeb' chik li xb'eelom ut laj Elí.

Génesis 30:8

Ut lix Rakel kixye: “Xqayal qu wochb'een linchaq'na' ut laa'in xinq'ax ru”. Ut aj Neftalí kixk'e cho'q xk'ab'a' li k'uula'al.

Génesis 29:32

Lix Liiy kikanaak sa' yu'am ut kiwank jun xk'uula'al: aj Rubén kixk'e cho'q xk'ab'a', xb'aan naq kixye: “Li Qaawa' xril xrahilal inch'ool: anaqwan tinxra chik linb'eelom”.

Génesis 30:6

Toja' naq lix Rakel kixye: “Li Yos tiik xch'ool, xb'aan naq xrab'i xyaab' inkux ut xk'e jun ink'uula'al”. Jo'kan naq aj Dan kixk'e cho'q xk'ab'a' li k'uula'al.

Génesis 4:25

Laj Adán kiwank wi' chik rik'in li rixaqil, ut kiwank jun xk'uula'al, aj Set kixk'e cho'q xk'ab'a': “Li Yos xk'ehok we jun chik ink'uula'al cho'q reeqaj laj Abel li kikamsiik xb'aan laj Kaín”, chan li winq.

Génesis 16:11

K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

San Lucas 2:12

A'in li reetalil cho'q eere: teetaw jun k'uula'al b'atb'ooq sa' t'ikr ut sotsooq sa' xwa'leb'aaleb' ketomq”.

Isaías 38:7

Kichaq'ok laj Isaías ut kixye: “A'an a'in li reetalil tixk'e aawe li Qaawa' re naq taanaw naq relik chi yaal tixb'aanu li xyehom:

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Jeremías 44:29

Ut a'an a'in li reetalil naq taak'ulmanq li xinye, ut naq texinrahob'tesi sa' li tenamit Ejiipt -chan li Qaawa'-:

Jueces 6:36

Ut laj Jedehón kixye re li Yos: “Wi relik chi yaal naq inb'aan laa'in taakoleb' laj Israel jo' xaye,

1 Reyes 13:3

Chiru ajwi' li kutan a'an, li propeet kixb'aanu jun nimla sachb'ach'oolej naq kixye: “A'an a'in li xnimal eetalil ut li sachb'ach'oolej tixb'aanu li Qaawa': li artal taajuk'e'q, ut li cha li wank sa' xb'een taapajiiq sa' iq'”.

Salmos 46:8

Qik'in wank li Qaawa', li Nimajwal Yos, li xYos laj Jakob a'an laj kolol qe.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

San Lucas 20:44

Wi laj David naxye Qaawa' re, chan put ru naq ralalaq?