Isaías 7:13 - Q'eqchi Bible

¹³ Toja' naq laj Isaías kixye: “Ab'ihomaq, ex ralal xk'ajol laj David: ma ink'a' tz'aqal cho'q eere xch'i'ch'i'inkileb' li poyanam, naq teeraj ajwi' xch'i'ch'i'inkil li Qaawa' linYos?

Li Santil hu

¹³ Tojoꞌnak laj Isaías quixye: —Abihomak la̱ex li ralal xcꞌajol laj David. ¿Ma incꞌaꞌ ta biꞌ tzꞌakal nak yo̱quex chixchꞌiꞌchꞌiꞌinquileb li profeta? ¿Ma toj te̱raj xchꞌiꞌchꞌiꞌinquil li Ka̱cuaꞌ lin Dios?

Isaías 7:13 ပူးပေါင်းရင်းမြစ်များ

Isaías 43:24

Ink'a' xatintaqla chi loq'ok sununkil b'an re ta xamayeja chiwu, ut ink'a' xak'ojob' inch'ool rik'in xxeeb'ul laaxul. Laa'at b'an xattawasink we rik'ineb' laak'iila maak ut xinaach'i'ch'i'i xb'aan laamaa'usilal.

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.

Ezequiel 34:18

Ma ink'a' tz'aqal cho'q eere ichajib'k sa' li chaab'il pim naq xeyeq'i sa' leeroq li na'ela'ank? Nekeruk' li ha' saq ru, ut neketz'ajni ru li rela' rik'in leeroq.

Ezequiel 16:47

Ut laa'at kak'anasi li xmaa'usilaleb' chi numtajenaq wi' chik; chi moko rik'in a'an kik'ojlaak laach'ool, kaq'ax b'an chik ru li xb'aanuhomeb' a'an.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Isaías 7:2

Naq li xjunkab'al laj David ke'rab'i resil naq eb' laj Siria xjunajihomeb' rib' rik'ineb' laj Efraín, k'ajo' naq ke'chalk xxiw li awab'ej ut eb' li tenamit, ut ke'ok chi siksotk jo'eb' li che' naq neke'eek'asiik xb'aan li kawil iq' sa' li k'iche'.

Hebreos 3:10

Jo'kan naq kipo'k inch'ool sa' xb'een li tenamit a'an ut kinye: «Junelik sachsookeb' sa' li xyu'ameb', ink'a' ke'xtaw ru li waatin».

Amós 3:13

Li Qaawa', li Nimajwal Yos, kixye chi jo'ka'in: “Ab'ihomaq a'in ut jitomaqeb' li ralal xk'ajol laj Jakob.

Ezequiel 16:20

«Chirix chik a'an kamayeja chiruheb' a'an eb' li walal ink'ajol ke'wank aawik'in. Ink'a' kitz'aqlok aawe li xmuxb'al aawib',

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Isaías 1:24

Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

2 Crónicas 21:7

Ab'an li Qaawa' ink'a' kiraj xsachb'al ru li xjunkab'al laj David sa' xk'ab'a' li sumwank kixk'ojob' rik'in laj David, xb'aan naq kixyeechi'i re jo'wi' reheb' li ralal xk'ajol naq wanqeb' junaq xsaqenk lochlooq chi junelik.

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 16:9

Ma ink'a' tz'aqal cho'q eere naq li xYos laj Israel xsik'ok chaq eeru sa' xyanqeb' laj Israel re naq texwanq chi xk'atq A'an, texk'anjelaq sa' li Loq'laj Muheb'aal ut wanqex chi xjolomileb' li komonil chirix li mayejak?

Génesis 30:15

Kichaq'ok a'an: “Ma ink'a' tz'aqal cho'q aawe xmaq'b'al linb'eelom? K'a' naq taawaj xmaq'b'al ajwi' li x'ixqiq'een linyum?”, chan. Kixye lix Rakel: “Wi taak'e we li ixqiq'een, laj Jakob taawarq aawik'in chiru li q'oqyink a'in”.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

San Lucas 1:69

ut kixxaqab' cho'q qe jun aj Kolonel q'axal kaw rib', sa' rochoch laj David li xmoos,

Salmos 45:5

Ayu chi yalok chirix li yaal, li uxtaanal ut li tiikil ch'oolej. Sa' xk'ab'a' laanim uq' toxaawil xninqal ru b'aanuhom.

Isaías 1:14

Xik' chik nawil li xninq'ehinkil xyo'lajik li po nekeb'aanu laa'ex, ut ch'i'ch'i' naxb'aanu we leeninq'e; ink'a' chik ninkuy rilb'al chixjunil a'an.

Isaías 7:12

Kichaq'ok laj Ajás ut kixye: “Ink'a' tinpatz', ink'a' nawaj xyalb'al rix li Qaawa' rik'in xpatz'b'al junaq sachb'ach'oolej”.

Isaías 22:22

Tinq'axtesi sa' ruq' li xlaawil li xjunkab'al laj David: wi a'an natehok, maajun chik taatz'apoq; wi a'an natz'apok, maajun chik taatehoq.

Jeremías 44:22

Ab'an li Qaawa' ink'a' chik naxkuy leemaak ut li jo'maajo'il b'aanuhom li ink'a' nawulak chiru; jo'kan naq leena'aj nakirirnak aj chik ut maajun chik wank aran; majewanb'il aj chik ut q'axal xiwajel ru anaqwan.

Ezequiel 6:9

Eb' li te'kole'q tinjultiko'q reheb' sa'eb' li tenamit xe'k'ame'k wi'. Te'jultiko'q reheb' chanru naq xinrahob'tesiheb' xb'aan naq xe'xmux li xpaab'aaleb' ut xkoheb' xch'ool chirixeb' li jalanil yos. Eb' a'an te'xyib' rib' xb'aan li k'iila maa'usilal xe'xb'aanu jo'wi' xb'aan li jo'maajo'il b'aanuhem.