Isaías 66:14 - Q'eqchi Bible

¹⁴ Naq teeril a'in, q'axal taasaho'q leeraanm ut taak'ulunq wi' chik leech'ool jo' li raxpim. Li Qaawa' tixk'ut li xwankilal sa' xyanqeb' laj k'anjel chiru, ut li xjosq'il taak'utunq sa' xyanqeb' li xik' neke'ilok re.

Li Santil hu

¹⁴ Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

Isaías 66:14 ပူးပေါင်းရင်းမြစ်များ

Zacarías 10:7

Eb' laj Efraín kama'aqeb' li kaweb' rib' chi yalok. Q'axal te'saho'q sa' xch'ool jo'aqeb' li xe'uk'ak b'iin; ut naq te'ril a'an, te'saho'q ajwi' xch'ool eb' li ralal xk'ajol. K'ajo' naq te'yoxinq chiru li Qaawa'.

Esdras 8:31

Sa' li kab'laju xb'e li xb'een po koo'elk aran wan wi' li nima' Ahabá ut kooho Jerusalén. Li ruq' li qaYos wank sa' qab'een ut koxkol sa' li b'e chiruheb' laj elq' ut eb' li xik' neke'ilok qe.

Esdras 8:22

Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.

Esdras 7:9

Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.

Proverbios 17:22

Li sahil ch'oolej a'an chanchan li b'an nak'ehok kawilal; ab'an li rahil ch'oolej na'oksink yajel.

Proverbios 3:8

Chi jo'kan maak'a'aq aayajel ut q'axal kawaq aawib'.

Hebreos 10:27

ka'aj b'an chik li raqb'a aatin xiwajel royb'eninkil ut li xam k'ajo' xtiqwal, yo'oon wank re xsachb'aleb' li ink'a' neke'raj paab'ank.

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Isaías 58:11

Laa'in tatinb'eres chi junelik, tink'ojob' laach'ool chi tzekank sa' li chaqich'och', tink'e xkawilal laawoq laawuq' ut kama'aqat chik li xchaq'alil ru na'ajej t'aqresinb'il chi us, jo'kaqat chik li yu'amha' ink'a' nachaqik.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

Isaías 10:5

“Asiria a'an xk'anjelob'aal linjosq'il, a'an li tz'uum nawoksi naq yo injosq'il.

Esdras 8:18

B'anyox re li Yos, xb'aan xnimal xrahom li Qaawa' ke'xk'am chaq qe jun li winq chaab'il xna'leb', aj Serebías xk'ab'a', ralal laj Majlí, ralal laj Leví, ralal laj Israel. Ke'chalk rochb'een eb' li ralal ut eb' li ras riitz'in: waqxaqlajuheb' chi winq.

Isaías 13:5

Najt xe'chalk chaq, chalen junsut junrub'el choxa. Li Qaawa' rochb'eeneb' li neke'okenk sa' li xjosq'il te'xsach chixjunil li ruuchich'och'.

Isaías 26:20

At intenamit, okan sa' laamuheb'aal ut tz'ap li okeb'aal chawix. Chamuq aawib' jun k'amokaq toja' re naq taanume'q xjosq'il li Qaawa'.

Isaías 30:27

K'ehomaq reetal, we' chaq li Qaawa', toj najt xchalk chaq. K'ajo' chaq li xjosq'il jo' li ru xam ut li sib' li nasachok. Li xtz'uumal re nak'utuk li xjosq'il ut li ru'uj raq' nak'atok kama' li xam.

Isaías 33:20

Il Sión, li tenamit nokooninq'ehik wi'. Ka'ya Jerusalén, li tuqtuukil tenamit; chanchanaq jun muheb'aal kaw xaqxo sa' li xna'aj: maajoq'e taa'eek'anq li roqechal sa' li ch'och' chi moko taat'upe'q li k'aam b'ak'b'o wi'.

Isaías 34:2

K'ajo' xjosq'il li Qaawa' rik'in chixjunil li tenamit jo'wi' rik'in chixjunileb' laj puub'. Xteneb' li tojb'amaak sa' xb'eeneb' ut xq'axtesiheb' chi kamk.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Isaías 41:20

re naq chixjunil li ruuchich'och' tixnaw, tixtaw ru ut tixnaw xyaalal naq laa'in li Qaawa' xinb'aanunk re a'in; laa'in li xSant laj Israel xinyoob'tesink re rik'in linwankil.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Salmos 107:42

K'ajo' naq neke'saho'k li tiikeb' xch'ool chi rilb'al a'an; a'ut li ink'a' useb' xna'leb' maak'a' chik neke'xye.

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.